Isaia 27:10 - Buki Tabu Lowaenei 1919

¹⁰ ‘Asa si ‘ari‐sakowasiena ni‘atu ‘i waborebore ta ‘enega, ‘ebemia si pilisinena ta si e‘idi‘idiena, nadigega mitawa: ‘ena bulomakau menonoiana ‘i da ‘e‘ai, ta ‘ena ‘i da ‘eno, ta narinao ‘i da loegumwaridi.

Isaia 27:10 Referans Kwoze

Isaia 17:2

Aroera ‘ina ‘asa ni‘atu si pilisinedi: si da sipi iau manudi, taudi si da ‘eno, ta gea‘abo ‘e bweu ‘i da giematautedi.

Isaia 17:9

Asiata gote ‘ina ‘asa pa‘aridi si da nadigega esena si pilisinedi mitawaia ta ‘oea debanaia, taudi si pilisinedi Iseraela natunao matadiega: ta ‘i da waborebore.

Isaia 64:10

‘Imu ‘asa tabu ni‘atu si emitawa, Siona ni‘atu ‘i emitawa, Ierusalema ‘i waborebore.

Isaia 25:2

‘Asa ‘u bubuna ga sa‘usa‘u epopona ta ‘enega; ‘asa ma‘ana ‘ari ga ‘asa weawearina; to‘u‘u‘mara ‘idi anua esaesa ga asa nigea ‘e bweu; gea‘abo si da ‘abina.

Isaia 7:25

Ta ‘oea iauiaudi si gesoa ‘ebesalega, gea‘abo ‘ena ‘u da mai kaiwe taritaridi ta kwakwakwara ‘adi matauta manuna, ta ‘i da bulomakau ‘idi apwesa manuna, ta sipi ‘idi ‘aiaina manuna.

Isaia 7:21

Ta asiata gote ‘enega gete ‘i da apwesa, tai ‘e bweu bulomakau me wainena menonoiana ‘i da amwamwena, ta sipi ‘e rua;

Isaia 32:19

Ta ‘usana ‘i da patu, mitawa ‘ina be‘u ‘ena; ta ‘asa ‘i da ‘eno mwa‘uta ‘ai‘aila.

Isaia 35:1

Mitawa ta esena waborebore si da ‘uiawana; ta kaukaudaita ‘i da guausoara ta ‘i da senina rose ‘atua.

Isaia 49:21

Ga ‘oio ‘u da ona ‘atemuia, Iaita getedi ‘i enatunedi ‘eguia, natuguao si ‘ewedi ta ‘enega, ta ‘abo‘agu ia mia tebweugu, ia mia apwesa, ta ia lopilidadana? ta iaita getedi ‘i ‘amwamwedi? Wa ‘ita, si pilisinegu ga tebweugu; getedi, mwa‘o si miami?

Isaia 24:10

‘Asa kakaena ‘i lasena: anua iauiauna si gibodedi, be ‘enega gea‘abo ‘e bweu ‘ena ‘i da ruguma.