Isaia 26:21 - Buki Tabu Lowaenei 1919

²¹ Wa ‘ita, ta ‘enega, Ieoba ‘ina esenega ‘i apwesama be to mia bare‘u ‘i da unudi ‘idi bubuna bokobokona manuna: bare‘u wate ‘ina rara ‘i da giapwesei, ta gea‘abo wate ‘ina toesilae ‘i da bodedi.

Isaia 26:21 Referans Kwoze

Isaia 18:4

Ieoba gete nadigega ‘eguia ‘i gwae ta ‘enega, Ia da enono, ta ‘igu ‘ebemia ‘ena ia da ‘ita; nadigega iaiiai ‘esasena ‘ena sinara ‘i sae, nadigega gaguna umaumana sesoi ‘ina iaiiai ‘enega.

Isaia 13:11

Ta gabura ia da ununa ‘idi to‘umalina manuna, ta to to‘umalidi ‘idi bubuna bokobokona manuna; ta to gagasa ‘idi esinasinara ia da loegumwarina, ta to didiga ‘idi gagasa ia da ulamwa‘uta.

Isaia 10:3

Ta toase wa da guinua asiata ‘ebe‘ita ‘enega, ta waborebore ‘enega tauna ‘i da mai ‘edasorega? Iaita ‘ena wa da dena leme manuna? ta mane ‘ena ‘imi esaesa wa da sa‘u?

Isaia 22:14

Ta bodao ‘idi Ieoba ‘i e‘ita‘ena tauna tenagu ‘edia, Ona ‘ai‘aila bubuna bokobokona gete gea‘abo ‘i da ‘ewaiaule ‘emiega ga wa mwawasa, ‘Inapwana ‘i gwae, bodao ‘idi Ieoba.

Isaia 29:6

Bodao ‘idi Ieoba ‘ena ‘i da apwesa wepararega, ta mwani‘ini‘iega, ta ‘enana sinabwanega, bwawabwawa ta wedilia ‘ediega, ta awe ‘eni‘enina meianega.

Isaia 65:6

Wa ‘ita, si ‘etoladina mataguia: gea‘abo ia da enono, ta ia da e‘isa, tamo, ia da e‘isa lumalumadi ‘enaia.

Isaia 65:7

Taumimo ‘imi bubuna bokobokoiao, ta tamamiao ‘idi bubuna bokobokoiao rererea, Ieoba ‘i gwae, taudi mu‘ana si gabu ‘oea sinabwadi ‘edia, ta si ona besobeso ‘eguia ‘oea gidaridi ‘edia; ta ‘enega nugana ‘idi guinua ia da ‘etopwapwa lumalumadi ‘enaia.

Isaia 66:6

Toila ‘enana ‘asega, ‘enana ‘e bweu anua tabuiega, Ieoba ‘enana tauna ‘i e‘isa ‘ana tarauwarao ‘edia.