Isaia 26:19 - Buki Tabu Lowaenei 1919

¹⁹ ‘Imu to mwawasa si da bobo‘ana; ‘igu kokoaiao si da tooro. Wa da tooro be wa da wari, ‘omi kau ‘ena wa miami: ‘imu gaguna ‘atua pwatura gagunidi ta ‘enega, ta bare‘u to kwaia ‘i da ‘ula apwesedi.

Isaia 26:19 Referans Kwoze

Salamo 71:20

‘Oio, ni‘atu elo‘uia iauna ta sinabwana ‘u e‘itema, ‘U da gietooro limema, Ta bare‘u ‘ina ni‘uega u ‘au‘ewatu‘elimema.

Isaia 25:8

Mwawasa ni‘atu ‘i tonena ‘ataia; ta ‘Inapwana Eaubada mataseru ‘i da lo‘i‘ili iaulei iauiaudi maninidiega; ta ‘ina tomota ‘adi ‘ebesinasinara ‘i da ‘ewa bare‘u maibo‘anega: Ieoba ni‘atu ‘i oneonena ta ‘enega.

Salamo 22:15

‘Igu waiwai ‘i medarina ‘urena senasenamina ‘atua; Ta meiagu aseasegu ‘ena ‘i tuiaina; Ta ni‘atu u ‘au‘eweguma mwawasa ‘ina kau ‘enaia.

Isaia 51:17

‘U da tooro, ‘u da tooro, ‘u da tooro ‘ai‘aila, Ierusalema ie, tauio Ieoba nimanega ‘ina egamwagamwagu didiga ‘ina keiga ‘u numena; keiga gadogado gaebana ni‘atu ‘u numena, ga ‘i iapasa.

Salamo 110:3

‘Imu tomota si tagwara ‘ai‘ailidi ‘imu waiwai ‘ana asiata ‘ena: Bubuna ‘esasena ‘ana ‘ita bobo‘ana ‘ena, gonagona gamwanega, ‘Oio ‘amu tuta tubuau ‘ana gaguna u ‘ewena.

Salamo 22:29

Bare‘u iapadi iauiaudi si da ‘e‘ai ta si da bwagobwago: Iauiaudi kau ‘ena si mwa‘uta si da bwagobwago matanaia, Tugama tauna nigea kapekapeana iaruiaruana ‘i da ita‘i‘isina be ‘i bobo‘ana.

Isaia 18:4

Ieoba gete nadigega ‘eguia ‘i gwae ta ‘enega, Ia da enono, ta ‘igu ‘ebemia ‘ena ia da ‘ita; nadigega iaiiai ‘esasena ‘ena sinara ‘i sae, nadigega gaguna umaumana sesoi ‘ina iaiiai ‘enega.

Salamo 88:11

‘Imu oboboma nua‘ole‘ole si da simana ‘ari‘ari ‘ena nai? Nai ‘imu bubuna ‘ai‘aila Saoora ‘enaia?