Isaia 24:5 - Buki Tabu Lowaenei 1919

⁵ Bare‘u wate ‘i baila ‘ana tomi ‘ubunidia: loina si li‘oedi ta ‘enega, loina tomwana si gibunina, ona‐‘upa‘upa mia‘ataia si li‘oena.

Isaia 24:5 Referans Kwoze

Isaia 50:1

Gete nadigega Ieoba ‘i gwae, Sinami ‘ina sa‘ila ‘ina ‘etoladi mane, tauna ‘enega ia sa‘ilena? nai to tai ‘igu to iotura ‘ediega ‘ena ia gimwaniemi? Wa ‘ita, ‘imi bubuna bokobokona manudi ia gimwaniemi, ta ‘imi li‘oa‐loina manudi sinami ia sa‘ilena.

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Salamo 105:10

Ta tauna iage nina ‘i giepa‘arina loina manuna Iakobo ‘ena, Iseraela ‘ena ona‘upa‘upa ‘ataia manuna:

Salamo 55:5

‘Atesa‘ara ta dedera ‘eguia si mai, Ta giligiliubwa ‘i apwarigu.

Loina 20:22

‘Igu loina tomwana iauiauna wa da ‘ita‘i‘isidi ta ‘enega, ta ‘igu loina iauiaudi, ta wa da guinuedi: be ‘enega ‘asa, ‘ena ia ‘au‘ewemi be wa miami, gea‘abo ‘i da maiwa iaulemi.

Isaia 9:17

Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 30:9

Tomota gete loguitoasidi, gogama onakabokabo, gogama Ieoba ‘ina loina nigea si da nono:

Isaia 33:8

‘Eda loetana si ‘eno waborebore, tai lopilidadana ‘i gumwara: ona ‘upa‘upa ‘i li‘oena, ‘asa ‘i sinaridi, tai nigea i ‘amaiabena.

Loina 26:35

Tuta ‘enega i ‘eno‘eno waborebore ‘i da eiawai‘ata; tuga eiawai‘ata nigea i ‘ewena ‘imi sabate ‘edia, ‘ena wa miami ‘enaia.