Isaia 24:16 - Buki Tabu Lowaenei 1919

¹⁶ Bare‘u ‘ana ‘ebelosaroniega ni‘atu wari ta nonodi, esaesa to paruparu ‘edia. Ta ia ona, Ia wakaka, ia wakaka, oioi ‘eguia! to bubu wasegigi si wasegigi; tamo, to bubu wasegigi si wasegigi sinabwana.

Isaia 24:16 Referans Kwoze

Isaia 21:2

Madawara mwau n‘iatu ‘i apwesama ‘eguia; to bubu wasegigi ‘i bubu wasegigi, ta to‘oae i ‘oae‘oae. Elama ie, ‘u da tu‘e; Media ie, ‘u da tara‘au; ‘ina eiawasilagalaga ni‘atu ia loegumwarina.

Isaia 33:1

‘Oioi ‘emuia ‘u to e‘oae‘oae, ta nigea si ‘oaeio; ta ‘u bubu geiogeioi, ta nigea si bubuna geiogeioi ‘emuia! Ni‘atu e‘oae‘oae ‘u sa‘una, ga si da ‘oaeio; ta ni‘atu bubuna geiogeioi ‘u sa‘una, ga si da bubuna geiogeioi ‘emuia.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.

Isaia 48:8

Tamo, nigea ‘u nono; tamo, nigea ‘u mwaratoni; tamo, lowaeneiega tenaio nigea ‘i egegena: ia mwaratoni ta ‘enega ‘u bubu to wasegigi sana, ta si eesemu to‐li‘oaloina gamwa ‘enega.

Isaia 28:5

Asiata gote bodao ‘idi Ieoba ‘i da esaesa ‘ana peaula manuna, ‘ita bobo‘ana ‘ana peaula esaesa manuna, ‘ina tomota tupwadi ‘edia:

Isaia 26:15

Ieoba ie, ‘ebeloina ni‘atu ‘u giesinabwa, ‘ebeloina ni‘atu ‘u giesinabwa; ‘oio ma‘imu esaesa: ‘asa ‘ina raba iauiauna ni‘atu ‘u giesinabwa.

Isaia 17:4

Ta gete ‘i da apwesa asiata gote, Iakobo ‘ina esaesa ‘i da e dedeia, ta esiona iapana ‘i da ewakaka.

Isaia 10:16

Ta ‘enega ‘Inapwana, bodao ‘idi ‘Inapwana, ‘ebewakaka ‘i da etunena ‘ina iapaiapadi ‘edia; ta ‘ina esaesa ‘ubunaia ‘arata nadigega ‘awe ‘ina ‘ara‘arata si da loe‘abia.

Salamo 106:15

Ta ‘idi sidasida i ‘ebwaedi; Ta wakaka ‘i etunena iaruiaruadi ‘enaia.

Salamo 98:3

‘Ina nua‘ole‘ole ta ‘ina bubuna ‘ai‘aila Iseraela ‘ina anua ‘ena ni‘atu ‘i nua‘i‘isina; Bare‘u ‘ana ‘ebelosaroni iauiaudi ni‘atu ‘ida Eaubada ‘ina ‘etoseana i ‘itena.

Salamo 67:7

Eaubada ‘i da onaobobomeda: Ta bare‘u ‘ina ‘ebelosaroniao iauiaudi si da matautena.

Salamo 58:10

To bubu paruparuna ‘i da guausoara ‘ena e‘isa i ‘itena: ‘Aena ‘i da ‘utudi to to‘umalidi raradi ‘enaia.

Salamo 2:8

‘Eguiega ‘u da ona, ta ‘ebeloina ia da ‘ebwaemu ‘amu ‘egu‘eguiai manuna, Ta bare‘u ‘ina esena ‘ana ‘ebelosa‘u ‘imu iage manuna.

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Loina 26:39

Ta taudi ‘emiega tupwadi si da eowasidi ‘idi bubuna bokobokona ‘enaia ‘ami tarauwarao ‘idi esenao ‘edia; ta wate tamadiao ‘idi bubuna bokobokodi ‘edia si da eowasidi ma‘ediao.

Salamo 65:8

Taudi wate esena ‘edasoraia si miami si ‘atesa‘ara ‘imu we‘iwe‘iiaia ‘ediega: Gonagona ta asuinuanua ‘idi apwesaiao ‘u gieguausoaridi.

Salamo 119:158

To bubuna wasegigi ia ‘itedi, ta ia dedoi; ‘Imu ona nigea si ‘ita‘i‘isi ta ‘enega.

Isaia 11:12

Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Isaia 42:10

Wari auauna wa da wariei Ieoba ‘enaia, ta ‘ana tuputupu bare‘u ‘ana ‘ebelosaroniega; ‘omi wa mwa‘uta oraia, ta iage iauiauna ‘ena si miami, saruiao, ta ‘ana tomi.

Isaia 6:5

Ga ia gwae, Oioi ‘eguia! ‘abo‘agu ni‘atu ia saoora ta ‘enega; ‘abo‘agu tai sopagu baibailidi ta ‘enega, ta tomota sopadi baibailidi gamwagamwanidia ia miami: matagu King nina, bodao ‘idi Ieoba, si ‘itena ta ‘enega.