Isaia 21:2 - Buki Tabu Lowaenei 1919

² Madawara mwau n‘iatu ‘i apwesama ‘eguia; to bubu wasegigi ‘i bubu wasegigi, ta to‘oae i ‘oae‘oae. Elama ie, ‘u da tu‘e; Media ie, ‘u da tara‘au; ‘ina eiawasilagalaga ni‘atu ia loegumwarina.

Isaia 21:2 Referans Kwoze

Isaia 33:1

‘Oioi ‘emuia ‘u to e‘oae‘oae, ta nigea si ‘oaeio; ta ‘u bubu geiogeioi, ta nigea si bubuna geiogeioi ‘emuia! Ni‘atu e‘oae‘oae ‘u sa‘una, ga si da ‘oaeio; ta ni‘atu bubuna geiogeioi ‘u sa‘una, ga si da bubuna geiogeioi ‘emuia.

Isaia 24:16

Bare‘u ‘ana ‘ebelosaroniega ni‘atu wari ta nonodi, esaesa to paruparu ‘edia. Ta ia ona, Ia wakaka, ia wakaka, oioi ‘eguia! to bubu wasegigi si wasegigi; tamo, to bubu wasegigi si wasegigi sinabwana.

Salamo 60:3

Iage pa‘aridi ni‘atu u e‘ita ‘imu tomota ‘edia: Oine ‘ebeiogaiogara ‘enega ‘u enumema.

Isaia 47:6

‘Igu tomota ‘edia ia gamwasoara, ‘igu ‘egu‘eguia ia gibesobeso, ta ia tagwaredi nimamuia: nigea u ‘atenua‘ole‘oleiedi; kaikaiiaredi ‘edia ‘imu ‘a‘ara ‘u sa‘u tomwausana.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 22:6

Ta Elama gita mabwagilina i ‘a‘arina, saliote mataidi ta to‐geruose ma‘edi; ta Kira lawa ‘ana ‘auboda i ‘ewena.

Salamo 79:11

Ioniionina ‘ina eiawasilagalaga ‘i da mai matamuia; Na‘ieana ‘imu waiwai ‘ana sinabwa mwawasa natunao ‘u da ‘ita‘i‘isidi;

Salamo 12:5

Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.

Salamo 25:3

Tamo, nigea ‘e bweu ‘emuia ‘i iamwaiamwana ‘i da omaiamaia; Taudi si wasegigi daita si da omaiamaia.

Salamo 119:158

To bubuna wasegigi ia ‘itedi, ta ia dedoi; ‘Imu ona nigea si ‘ita‘i‘isi ta ‘enega.

Nugana 10:22

Sema natunao me‘olotodi; Elama ta, Asura ta, Apakasada ta, Luda ta, Arama ta.

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 14:4

Onasemalimali gete ‘u da ‘ewena Babulonia ‘ana king manuna, ta ‘u da gwae, Wa ‘ita to unua ni‘atu ‘i sa‘una! ‘Asa gola ni‘atu ‘i sa‘una!

Isaia 14:7

Bare‘u maibo‘ana i ‘eiawai‘ata, ta i ‘arainono: si alalagata ta si wariwari.