Isaia 2:4 - Buki Tabu Lowaenei 1919

⁴ Ta ‘i da etara ‘ebeloinao gamwagamwanidia, ta tomota iauiauna ‘i da ba‘edi: ta ‘idi sisi‐saiao si da ‘elotutudi be si da e‘ebegesoalisilisi matana, ta ‘idi gita be si e‘ebe‘upwawiti: ‘asa gea‘abo sisi‐saia ‘i da gilagasi ‘asa ‘enaia, ta gea‘abo wate losaia si da panapana‘ite.

Isaia 2:4 Referans Kwoze

Isaia 32:18

Ta ‘igu tomota anua guguia ‘ena si da miami, ta anua pa‘ara ‘ai‘ailina ‘edia, ta ‘ebeeiawai‘ata mia‘enono ‘edia.

Salamo 46:9

Saiaiao i ‘upwedi ga bare‘u ‘ana ‘ebelosaroni; Tupu ‘i lasena, ta gita i ‘upwa ruena; Waga lisilisi ‘i gabudi aweiega.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.

Salamo 82:8

Eaubada ie, ‘u da tooro, ta bare‘u ‘u da loinei: ‘Oio ‘ebeloina iauiaudi ‘u da ‘ewedi ta ‘enega.

Isaia 9:5

Tai ma‘ina ‘ebelosaia egogona toila ‘ena ‘ina ‘ebelosaia iauiauna, ta ‘oama si pwasa rarega, si da miami ‘arata manuna ta ‘enega, awe sabelulu ‘ana kaiwe manuna.

Salamo 110:6

‘Ebeloinao gamwagamwanidia ‘i da loina, Kokoao ‘ediega esenao ‘i da loemaedi; ‘Asa iauna ‘edia deba ‘i da ‘e‘aubware.

Salamo 96:13

Ieoba matanaia, ‘i memai ta ‘enega; ‘I memai sabi loina bare‘u ta ‘enega; Bare‘u ‘i da loina bubuna paruparuiega, Ta tomota ‘ina ona‘ai‘ailega.

Isaia 32:17

Ta bubuna paruparu ‘ina guinua guguia; ta bubuna paruparu uana miaemwa‘ule ta nuaiai ‘ataia.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Salamo 46:10

Wa da mia oonua, ta wa da mwaratoni ‘abo‘agu Eaubada; Si da gitu‘eiegu ‘ebeloina gamwagamwanidia, Si da gitu‘eiegu bare‘u ‘enaia.

Isaia 42:3

Kigweruru lasalasana gea‘abo ‘i da pisarina, ta imo ‘asu‘asuna gea‘abo ‘i da kweuna: ‘etara ‘i da me‘ena ona ‘ai‘ailega.