Isaia 2:12 - Buki Tabu Lowaenei 1919

¹² Ieoba ma‘ina bodao ‘ana asiata ‘i da apwesa ta ‘enega iauiaudi si gagasa ta si gigino ‘edia, ta iage maibo‘ana ‘i miatu‘e ‘enaia: ta ‘i da mia mwa‘uta:

Isaia 2:12 Referans Kwoze

Isaia 23:9

Bodao ‘idi Ieoba ‘i loinena, be esaesa maibo‘ana ‘ina gagasa ‘i da gibesobeso, bare‘u ‘ama‘amaiabana iauiaudi ‘adi sinara ‘i da sa‘u.

Isaia 24:21

Ta gete ‘i da apwesa asiata gote, Ieoba to mia tu‘e ‘etanaia si miami ‘i da unudi, wate bare‘u ‘ina kiniao bare‘u ‘enaia.

Isaia 24:4

Bare‘u ‘i dedo ta ‘i sawasawara, gabura ‘i eneneta ta ‘i sawasawara, bare‘u ‘ina tomota gagasidi si eneneta.

Isaia 13:9

Wa ‘ita, Ieoba ‘ina asiata ‘i memai, gie‘elo‘uia, egamwagamwagu ta gamwasoara didiga ‘ediega; be ‘asa ‘ana waborebore ‘i da sa‘u, ta to to‘umalidi ‘i da gisawaridi ‘enega.

Isaia 13:6

Wa da dedoi toila; Ieoba ‘ina asiata serabedaia ta ‘enega; na‘ieana saoora To Ewaiwai Sana ‘enega ‘i da mai.

Salamo 131:1

Ieoba, ‘ategu nigea ‘i gagasa, nai matagu si sanatu‘e; Wate nigea iage sinabwadi ‘edia ia tautauia, Nai iage to sinabwa sadi ‘eguia.

Isaia 42:15

‘Oea sinabwadi ta ‘oea gidaridi ia da loegumwaridi, ta ‘idi pwatura iauiauna ia da gie ‘oaperuiedi; ta boasi‐daudau ia da bubudi be si ‘esaruiao, ta sewasewa ia da gieiapasidi.

Isaia 61:2

Be Ieoba ‘ina iakwara nuabobo‘ana ia da guguiaei, ta ‘idi Eaubada ‘ina asiata e‘isa; be iauiaudi si dedoi ia da gieguausoaridi;

Salamo 18:28

‘Igu maieare ‘u da loe‘abi: Ieoba ‘igu Eaubada ‘igu guguioi ‘i da giema‘edanena.

Salamo 37:13

Ieoba ‘i da edagi ‘enaia: I ‘itena ‘ina asiata ‘i memai ta ‘enega.

Salamo 94:2

‘U da gitu‘eiemu, ‘oio bare‘u ‘ana to loina: To gagasa iage sawesawedia ‘u da ‘ebwaea.

Isaia 5:15

Ta tai gomabeso i ‘opu‘opu, ta tai sinabwana ‘i mwa‘uta, ta to ‘ita tu‘e matadi si sana mwa‘uta:

Isaia 10:12

Ta ‘enega gete ‘i da apwesa, ‘ena ‘Inapwana ni‘atu ‘ina guinua maibo‘ana ‘i bubuna ‘oea Siona ‘ena ta Ierusalema ‘ena, ga Asiria ‘ana king ‘ina ‘ate patuna uana ia da ununa, ta ‘ina gagasa ‘ina esaesa.

Isaia 10:33

Wa ‘ita, ‘Inapwana, bodao ‘idi Ieoba, kaiwe narina garudi ‘i da ‘upwa iauledi didigega: ta taudi ‘adi ketosora ‘i lo‘etana ‘i da tara mwa‘utedi, ta to mia tu‘e si da mia mwa‘uta.

Isaia 13:11

Ta gabura ia da ununa ‘idi to‘umalina manuna, ta to to‘umalidi ‘idi bubuna bokobokona manuna; ta to gagasa ‘idi esinasinara ia da loegumwarina, ta to didiga ‘idi gagasa ia da ulamwa‘uta.

Isaia 14:15

Ta gete ‘u da mwa‘utawa Seola ‘ena, gaula nina ‘ina esenao ‘ebelosaroni ‘edia.

Isaia 40:23

Tauna ‘inapwanao ‘i bubudi ga si nigea ‘e bweu, bare‘u ‘ana toloinao ‘i bubudi be si iage besobeso ‘atua.