Isaia 2:11 - Buki Tabu Lowaenei 1919

¹¹ Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 2:11 Referans Kwoze

Salamo 18:27

Tomota elo‘uia ‘u da ‘etoseedi ta ‘enega; Ta mata gagasa ‘u da gimwa‘utedi.

Isaia 2:17

Ta tai ‘ina miatu‘e ‘i da mia‘opu‘opu, ta tai ‘idi gagasa ‘i da miamwa‘uta: ta Ieoba tebweuna ‘i da miatu‘e asiata gote ‘enega.

Isaia 24:21

Ta gete ‘i da apwesa asiata gote, Ieoba to mia tu‘e ‘etanaia si miami ‘i da unudi, wate bare‘u ‘ina kiniao bare‘u ‘enaia.

Isaia 13:11

Ta gabura ia da ununa ‘idi to‘umalina manuna, ta to to‘umalidi ‘idi bubuna bokobokona manuna; ta to gagasa ‘idi esinasinara ia da loegumwarina, ta to didiga ‘idi gagasa ia da ulamwa‘uta.

Isaia 12:4

Ta asiata gote ‘enega wa da gwae, Ieoba ‘ena wa da ‘awabobo‘ana, ‘ana esana ‘ena wa da bwau, ‘ina guinuao wa da simanedi tomota gamwagamwanidia, wa da ‘inana ‘aene ‘ana esana ‘i miatu‘e.

Isaia 52:6

Ta ‘enega ‘igu tomota ‘agu esana si da mwaratoni: ta ‘enega asiata gote ‘enega si da mwaratoni ‘aene ‘abo‘agu tauna ‘i onaona; wa ‘ita, ‘Abo‘agu.

Isaia 37:23

Iaita ‘u ba‘ena ta ‘u ona besobeso‘ena? Ta iaita manuna ‘enaio ‘u gitu‘eiei ta matamuiega u ‘ita tu‘e tabwanaia? tuga Iseraela ‘ina Tabu Tebweuna ‘enaia.

Isaia 30:23

Ta ‘imu ewana ‘ana ‘usana ‘i da ‘ebwaea, be ‘enega bwa‘a ‘u da dauna; ta bwa‘a ‘ina sinabwa masurina, ta ‘i da iapa ta iauwawasae: asiata gote ‘imu bulomakau si da ‘e‘ai pwatura sinabwadi ‘edia.

Isaia 29:18

Ta asiata gote ‘enega to tenatui buki ‘ina ona si da nonodi, ta to mata kebo matadi si da ‘ita umeumega ta guguioiega.

Isaia 28:5

Asiata gote bodao ‘idi Ieoba ‘i da esaesa ‘ana peaula manuna, ‘ita bobo‘ana ‘ana peaula esaesa manuna, ‘ina tomota tupwadi ‘edia:

Isaia 26:1

Asiata gote ‘enega wari gete si da wariei ‘asa Iuda ‘enaia: ‘Ida ‘asa ‘asa pa‘arina; ‘etoseana ‘i da aseiena ‘ari‐gurewa manudi ta ‘aripa‘ara manudi.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 4:1

Ta iine ‘e sebeni tai ‘e bweuna si da giiaina asiata gote, si da gwae, ‘Ama palaua taumamo ‘a da ‘e‘ai, ta ‘ama ‘oama taumamo ‘a da ‘otena: tuga ‘amu esanega si da eesema; ‘ama ‘ebesinara ‘u da ‘ewa iaulei.

Salamo 20:8

Si bwagobwago ta si be‘u; Ta ‘abo‘ama ‘a tooro, ta ‘a tooro paruparu.

Salamo 46:10

Wa da mia oonua, ta wa da mwaratoni ‘abo‘agu Eaubada; Si da gitu‘eiegu ‘ebeloina gamwagamwanidia, Si da gitu‘eiegu bare‘u ‘enaia.

Isaia 23:9

Bodao ‘idi Ieoba ‘i loinena, be esaesa maibo‘ana ‘ina gagasa ‘i da gibesobeso, bare‘u ‘ama‘amaiabana iauiaudi ‘adi sinara ‘i da sa‘u.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Salamo 18:28

‘Igu maieare ‘u da loe‘abi: Ieoba ‘igu Eaubada ‘igu guguioi ‘i da giema‘edanena.

Salamo 46:11

Bodao ‘idi Ieoba ‘i miami ma‘eda; Iakoba ‘ina Eaubada ‘ida ‘ebedena. (Sela.)

Salamo 94:2

‘U da gitu‘eiemu, ‘oio bare‘u ‘ana to loina: To gagasa iage sawesawedia ‘u da ‘ebwaea.

Isaia 10:12

Ta ‘enega gete ‘i da apwesa, ‘ena ‘Inapwana ni‘atu ‘ina guinua maibo‘ana ‘i bubuna ‘oea Siona ‘ena ta Ierusalema ‘ena, ga Asiria ‘ana king ‘ina ‘ate patuna uana ia da ununa, ta ‘ina gagasa ‘ina esaesa.

Isaia 14:15

Ta gete ‘u da mwa‘utawa Seola ‘ena, gaula nina ‘ina esenao ‘ebelosaroni ‘edia.

Isaia 40:23

Tauna ‘inapwanao ‘i bubudi ga si nigea ‘e bweu, bare‘u ‘ana toloinao ‘i bubudi be si iage besobeso ‘atua.