6 Ta boasi‘awanao si da mwa‘ulu; Aigupito ‘ina boasi‐sala si da mwa‘uta ta si da iapasa: kigweruruiao ta sitao si da medara.
Ia sala ta ia numa boasi, ta ‘aeiapaiapagu ‘enega Aigupito boasina daudauna iauiauna ia da gieiapasa.
Ta iana boasi‘awa ‘ena si miami si da mwawasa, ta boasi‘awa ‘i da mwa‘ulu; ta me Aigupito numa boasi boasi‘awanega si da lo‘ubusutooroe.
Ta ni‘atu nigea wate ‘i da kwaiena, ga manuna waga kodo ‘i bubuna, ta ‘i pomena bwada nuanega ta bwada pa‘arinega; ta goama gamwanaia i sa‘una, ta kodo ‘edia boasi tupitupinega ‘i sa‘una.
Tauna etuetuneao ‘i etunedi orega, tuga waga papuro boasi ‘edia, ‘i gwae, Wa da tauia, omi etuetune lomaninimi, ‘ebeloina ‘etosorana ta nonokwaikwaina ‘enaia, tomota didiga ‘arediega ga muria ‘edia; ‘ebeloina tauna i ‘etopwapwena ta ‘i ‘aiaina, tauna ‘ina ‘asa boasi ‘awanao si ‘upwarua!
Nimarima ‘ina boasi si da waborebore ta ‘enega: nedu i ‘oaperu ta ‘enega, nedu nuana ‘i tabataba, nigea ‘e bweu iage karakarawina.
Ta, u ‘ita, bulomakau ‘e sebeni boasi‘awega si apwesama, si momonana ta si iapa; ta si ‘e‘a pwatura ‘enaia.