Isaia 19:22 - Buki Tabu Lowaenei 1919

²² Ta Ieoba Aigupito ‘i da ununa, ‘i da unuunu ta ‘i da giebobo‘ana; ta si da ‘ila Ieoba ‘enaia, ta ‘ena si da sidasida, ta ‘i da giebobo‘anedi.

Isaia 19:22 Referans Kwoze

Isaia 55:7

To to‘umalina ‘ina ‘eda ‘i da pilisinena, ta tai nigea bubuna paruparu ‘ina nuanua: ta Ieoba ‘ena ‘i da ‘ilama, ta ‘i da ‘atenua‘ole‘oleiena: ta ‘ida Eaubada ‘ena, tauna to‘umalina ‘i da giekweu ‘ai‘ailina ta ‘enega.

Isaia 45:14

Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 6:10

Tomota gete ‘atedi ‘u da gieiapa, ta tenadi ‘u da gietuine, ta matadi ‘u da gibode; ‘abona nai matadiega si ‘ita, ta tenadiega si nono, ta atediega si mwaratoni, ta si sana‘ila, ta si bobo‘ana.

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 27:13

Ta gete ‘i da apwesa asiata gote, ioguli sinabwana si da mu‘e; ta taudi ‘i abe si saoora ‘asa Asiria ‘enaia, ta taudi si mia apwesa ‘asa Aigupito ‘enaia, si da mai; ta Ieoba ‘ena si da bwagobwago Ierusalema ‘ina ‘oea tabu ‘enaia.

Isaia 30:26

Wate nawarae ‘ina ma‘edana ‘i da na‘ieana sinara ‘ina ma‘edana, ta sinara ‘ina ma‘edana ‘i da esebeni, ‘atua asiata ‘e sebeni ‘adi ma‘edana, asiata nina ‘enega Ieoba ‘ina tomota ‘idi elo‘uia ‘i paimina, ta ‘idi ‘abiiama ‘ina ‘ebeunua ‘i giebobo‘anena.

Isaia 57:18

Ni‘atu ‘ina bubunao ia ‘itedi, ta ia da giebobo‘anena: wate ia da ‘au‘ewena, ta iage ‘ebeguausoara ia da ‘ebwaealimedi ‘enaia ta ‘ina to ‘ewabamu ‘edia.

Si Apwesa 8:4

ta kwekwe si da tu‘e ‘emuia be, ‘imu tomota ‘edia be, ‘imu toguinua iauiaudi ‘edia be.