Isaia 19:19 - Buki Tabu Lowaenei 1919

¹⁹ Asiata gote e bweu ‘ebetaria Ieoba ‘ena ‘i da miami ‘asa Aigupito gamwagamwanaia, ta tupitupinaia ‘e bweu ‘ora Ieoba ‘enaia.

Isaia 19:19 Referans Kwoze

Nugana 28:18

Ta Iakobo ‘i unuboi, ta gurewa nina ‘i gedugeduiena i ‘ewena, ta ‘i gietoorona ‘ora manuna, ta bunama debanaia ‘i siwena.

Si Apwesa 24:4

Ta Mose Ieoba ‘ina ona iauiauna i ‘etoladidi, ta gonagonaia ‘i tooro, ta ‘ebetaria ‘i bubuna ‘oea ‘agaraunaia, ta ‘ora ‘e twelu, nadigega Iseraela ‘ina susu ‘e twelu.

Isaia 66:23

Ta gete ‘i da apwesa, nawarae auauna ‘e bweuna ga ‘e ruena, ta sabate ‘e bweuna ga ‘e ruena, esio iauiauna si da mai sabi bwagobwago mataguia, Ieoba ‘i gwae.

Nugana 12:7

Ta Ieoba ‘i apwesa Aberamo ‘ena, ta ‘i gwae, Tubumuao ‘edia ‘asa gete ia da ‘ebwaeae: ta nada ‘ebetaria i ‘abina Ieoba ‘ena, tauna ‘ena ‘i apweapwesa.

Salamo 68:31

‘Inapwanao Aigupitoega si da apwesama; Aitiopia si da pili be nimadi si da iasitoto Eaubada ‘enaia.

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Isaia 60:7

Kedara ‘ina sipi iau iauiaudi si da egogonama ‘emuia, Nebaiota ‘ina sipi me‘olotodi ‘emuia si da guinua: ‘igu ‘ebetaria ‘ena si da tu‘ema ta nuagu ‘i da bobo‘ana ‘edia, ta ‘igu esaesa ‘ina anua ‘ana tuputupu ia da sa‘u.