12 ‘Enega mwa‘o ‘imu tai sinasinapu? ta gete si da simana ‘emuia; ta ‘edia ‘u da e‘ita toase bodao ‘idi Ieoba ‘i nuena Aigupito manuna.
Ta iaita, na‘ieana ‘abo‘agu, ‘i da bwau, ta ‘i da simanena, ta ‘i da sa‘u ‘ai‘aila manugu, ‘abo‘agu tomota lowaenei ia ‘aseiedi ‘enega? ta iage ‘i abe si mai, ta taudi si da apwesama, si da simana.
Bodao ‘idi Ieoba ni‘atu ‘i ona‘upa‘upa, ‘i gwae. Ona ‘ai‘aila nadigega ia nuanua, nadigega ‘i da apwesa; ta nadigega ia nuena, nadigega ‘i da tooro:
Oioi ‘edia matadia taudi si sinasinapu, ta matadia taudi si nuanuasabwarena!