Isaia 14:30 - Buki Tabu Lowaenei 1919

³⁰ Ta gomabeso ‘ina tomatua ‘i da ‘e‘ai, ta nanaewa ‘i da ‘eno bobo‘ana; ta ramuio ia da loemwawasi botanega, ta ‘imu tupwa ‘i da esilae.

Isaia 14:30 Referans Kwoze

Isaia 51:19

Iage ‘e rua getedi si apwesa ‘emuia; iaita manuio ‘i da dedo? waborebore ta saoora, botana ta sisisaia: mwa‘adega ia da gieguausoariio?

Isaia 37:30

Ta gete ‘i da we‘iwei‘iaia ‘emuia; iakwara gete iage tauna ‘i tabwa ‘u da ‘e‘ai, ta iakwara ‘e ruena iage tauna ‘enega ‘i tabwa; ta iakwara ‘e tonina ‘enega wa da lelewana, ta wa da sesoi, ta baguraoine wa da ‘aso, ta uanega wa da ‘e‘ai.

Isaia 33:16

Tauna ‘i da mia ‘etanaia: ‘ina ‘ebedena ‘i da gurewao ‘idi anua pa‘ara: ‘ana masura si da ‘ebwaena; ‘ana boasi ‘i da mia ‘ai‘aila.

Isaia 9:20

Ta ‘e bweu ‘atainega ‘i da ‘oae, ta ‘i da botana; ta gegeuminaia ‘i da ‘e‘ai, ta gea‘abo gamwadi ‘i da pawa: taudi tai ‘e bweuna ‘e bweuna tauna nimana esiona ‘i da ‘e‘ani:

Isaia 8:21

Ta si da rubwarena, mwaumwau sinabwana ta botana: ta gete ‘i da apwesa, ‘ena si da botana, si da ‘eeiabedi taudi, ta si da elia ‘idi king ‘enega ta ‘idi Eaubada ‘enega, ta maninidi si da gisanatu‘e:

Isaia 5:17

Ga lamiao si da ‘e‘ai na‘ieana ‘adi pwatura ‘enaia, ta taudi si momonana ‘idi esena miadaita to‘u‘umara si da ‘enina.

Isaia 3:15

To‘ase ‘imi nuanua ‘igu tomota wa e‘upwe‘upwedi ta gomabeso maninidi wa dai? ‘Inapwana, Bodao ‘idi Ieoba, ‘i gwae.

Isaia 3:14

Ieoba ‘i da etara ‘ina tomota ‘idi to nuganao ma‘edi, ta ‘ina ‘inapwanao ma‘edi: ‘Omi baguraoine wa e‘e gumwarina; gomabeso ‘idi gwegwe ‘oae‘oaena ‘imi anua ‘edia ‘i miami:

Isaia 11:4

Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 29:19

Taudi si mia oonua wate ‘idi guausoara si da giesinabwa Ieoba ‘ena, ta gomabeso tomota ‘edia si da uiawana Iseraela ‘ina Tabu Tebweuna ‘enaia.