Isaia 14:1 - Buki Tabu Lowaenei 1919

¹ Ieoba ‘i da ‘atenua‘ole‘ole Iakobo ‘enaia ta ‘enega, ta Iseraela ‘i da ‘esinuei, ta ‘idi ‘asa taudi ‘ena ‘i da sa‘udi: ta to‘u‘umara ‘i da mai sabi mia ma‘edi, ta Iakobo ‘ina susu ‘ena si da miaiai.

Isaia 14:1 Referans Kwoze

Salamo 102:13

‘U da tooro, ta Siona ‘ena ‘u da ‘atenua‘ole‘ole: Ni‘atu ‘ana tuta ‘u da ‘atenua‘ole‘oleiena ta ‘enega, tamo, ‘ana tuta ‘ai‘aila ni‘atu ‘i mai.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 66:20

Ta tasimiao iauiaudi si da ‘au‘ewedima ‘ebeloinao iauiaudi ‘ediega ‘ebwaeadaita manuna Ieoba ‘enaia, ‘ose ‘edia, saliote ‘edia be, ‘ebe‘a‘ara ‘edia be, mule ‘edia be, kameli ‘edia be, ‘igu ‘oea tabu Ierusalema ‘ena, Ieoba ‘i gwae, nadigega Iseraela natunao ‘idi ‘ebwaeadaita si me‘ena gaeba ‘esasena ‘enega Ieoba ‘ina anua ‘enaia.

Isaia 49:7

Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.

Isaia 44:1

Ta gete tuga ‘u da nono, Iakobo ie ‘igu to‐guinua; ta Iseraela, tauna ia ‘esinuena:

Isaia 41:8

Ta ‘oio, Iseraela, ‘igu ‘ari‘ei, Iakobo tauna ia ‘esinuena, Aberaamo gosiagu tubuna;

Isaia 27:6

Asiata si meama ‘ediega Iakobo ramuna ‘i da sa‘u; Iseraela ‘i da tupwa ta ‘i da senina: ta gabura matana si da loemaa kaiwe uanega.

Salamo 143:12

Ta ‘imu oboboma nua‘ole‘oleiega ‘agu tarauwarao ‘u da ‘upwa‐iauledi, Ta iauiaudi iaruiaruagu si gielo‘uiena ‘u da giesaooridi; ‘Abo‘agu ‘imu to‐guinua ta ‘enega.

Salamo 98:3

‘Ina nua‘ole‘ole ta ‘ina bubuna ‘ai‘aila Iseraela ‘ina anua ‘ena ni‘atu ‘i nua‘i‘isina; Bare‘u ‘ana ‘ebelosaroni iauiaudi ni‘atu ‘ida Eaubada ‘ina ‘etoseana i ‘itena.

Esiteri 8:17

Ta esena ‘e bweuna ‘e bweuna ‘enaia, ta ‘asa ‘e bweuna ‘ebweuna ‘enaia, ‘ena king ‘ina ona ta ‘ina loina ‘i mai, ‘ena me Iuda ‘idi uiawana be guausoara, sagari be asiata bobo‘ana. Ta esena nina ‘ina tomotaiao ‘ediega iauiaudi si e goma Iuda; me Iuda ‘adi matauta ‘edia ‘i be‘u ta ‘enega.

Isaia 41:9

‘Oio ia giiaimu bare‘u ‘ana ‘ebelosaroniao ‘ediega, ta ia bwauiemu tupitupinao ‘ediega, ta ia eonaio, ‘Oio ‘igu ari‘ei, ia ‘esinuemu ta nigea ia ‘ula iaulemu;

Isaia 45:14

Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 49:10

Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Isaia 49:15

Waine natuna ‘i esusu ‘i da nuapupura nai, be ‘enega gamwana natuna nigea ‘i da ‘atenua‘ole‘oleiei? Tamo, getedi si da nuapupura nai, ta ‘abo‘agu gea‘abo ia da nuapupureio.

Isaia 49:25

Ta gete nadigega Ieoba ‘i gwae, Tuga to ewaiwai ‘idi ioniionidi si da ‘ewedi, ta to didiga ‘idi iage oae si da ‘etoseedi: ‘abo‘agu ia da e‘upwa tauna ‘i e‘upwa ma‘ieaio ma‘ieana, ta natumuao ia da ‘etoseedi.

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.

Isaia 55:7

To to‘umalina ‘ina ‘eda ‘i da pilisinena, ta tai nigea bubuna paruparu ‘ina nuanua: ta Ieoba ‘ena ‘i da ‘ilama, ta ‘i da ‘atenua‘ole‘oleiena: ta ‘ida Eaubada ‘ena, tauna to‘umalina ‘i da giekweu ‘ai‘ailina ta ‘enega.

Isaia 56:3

Ta to‘u‘umara, tauna Ieoba ‘ena ‘i miami, gea‘abo ‘i da ona, ‘i gwaegwae, Ieoba ‘i da weari‘ai‘ailigu ‘ina tomota ‘ediega: nai eunaka ‘i da ona, Wa ‘ita, ‘abo‘agu kaiwe mesomesona.

Isaia 60:10

Ta to‘u‘umarao ‘imi ‘ari‐gurewa si da ‘abidi, ta ‘idi kiniao ‘emuia si da guinua: ‘igu gamwasoarega ia unuio ta ‘enega, ta ‘igu nuabobo‘anega ia ‘atenua‘ole‘olemu.

Isaia 60:14

Ta taudi si unuio natudiao me‘olotodi ‘emuia si da mai bwagobwago; ta iauiaudi si sinariio si da a‘opu‘opu ‘aeiapaiapamuao ‘edia; ta si da eesemu Ieoba ‘ina asa, Iseraela ‘ina Tabu Tebweuna ‘ina Siona.

Salamo 102:14

‘Imu to guinuao tauna Siona ‘ina gurewao manudi si guausoara, Ta ‘ina kau ‘ena si nua‘ole‘ole.

Isaia 19:18

Asiata gote ‘asa ‘e nima si da miami ‘asa Aigupito ‘enaia taudi ena Kanania si oneone, ta si ona‘upa‘upa bodao ‘idi Ieoba ‘enaia; ‘e bweu si da eesena Saoora ‘ina ‘asa.

Isaia 21:1

Ora ‘ina waborebore ‘ana ona. Nadigega bwawabwawa Iarasi ‘ena si toa bwarena, ‘i mai waboreboreiega, ‘asa didiga ‘enega,

Isaia 47:1

‘U da mwa‘utama, ta kau ‘ena ‘u da miatoa, ‘Oio Babulonia natuna gomagweine nina: bare‘u ‘ena nigea ma‘imu ‘ebemi esaesa ‘ena ‘u da miatoa, ‘Oio me Kaledea natudi me wainena: gea‘abo wate si da eeseio nuaio ta mewaineio.