Isaia 12:6 - Buki Tabu Lowaenei 1919

⁶ Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Isaia 12:6 Referans Kwoze

Salamo 9:11

Ieoba ‘ena wa da wari tuputupu, tauna Siona ‘ena ‘i miami: Tomota ‘edia ‘ina guinuao wa da simanedi.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 54:1

‘U da wari, Oio megagariio, ‘oio nigea ‘u enatuna; ‘u da weari wari ‘ena, ta ‘u da bwau toila, ‘oio nigea ‘u edaedadama goama manuna: to miawaborebore natunao si iauwawasae ta ‘enega to ai mewainena natunao ‘edia, Ieoba ‘i gwae.

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Salamo 71:22

Wate ia da tupuio binobino‘oega, Tuga ‘imu ona‘ai‘aila, ‘igu Eaubada ie: ‘Emuia ia da wari tuputupu apiega, ‘Oio Iseraela ‘ina Tabu Tebweuna.

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 33:24

Ta to‐mia gea‘abo si da gwae, Ia le‘oasa: tomota ‘ena si miami ‘idi bubuna bokobokona gea‘abo ‘ana e‘isa.

Isaia 30:19

Tomota Siona ‘ena si da miami Ierusalema ‘enaia ta ‘enega: gea‘abo wate ‘u da dedoi; ‘imu bwau ‘enanega ‘i da nua‘ole‘ole ‘ai‘aila ‘emuia; ‘ena ‘i da nono, ‘i da ona limana ‘emuia.

Isaia 24:23

Ga nawarae ‘i da nua‘owana, ta sinara ‘i da omaiamaia; bodao ‘idi Ieoba ‘i da loiloina ‘oea Siona ‘enaia ta ‘enega, ta Ierusalema ‘ena, ta ‘ina ‘ina‘inapwanao matadia ma‘ina esaesa.

Isaia 10:24

Ta ‘enega gete nadigega ‘Inapwana ‘i gwae, bodao ‘idi Ieoba, ‘Igu tomota ie, Siona ‘ena wa miami, gea‘abo goma Asiria nina wa da matautena: ‘abo keweliweliliega ‘i unuio, ta ‘ina guna ‘i gilagasi matamuia, Aigupito ‘ina bubuna ‘atua.

Isaia 8:18

Wa ‘ita, ‘Abo‘agu ta gogama Ieoba ni‘atu i ‘ebwaegu taudi we‘iwe‘iiaia manudi ta ‘ebenua‘owanao manudi Iseraela ‘ena, bodao‘idi Ieoba ‘enega, tauna ‘oea Siona ‘ena ‘i miami.

Salamo 132:14

Gete ‘igu ‘ebe‘eiawai‘ata ‘ataia: Gete ‘ena ia da miami; ni‘atu ia nuanuana ta ‘enega.

Salamo 89:18

‘Ida lawa Ieoba ‘ina iage ta ‘enega; Ta ‘ida king Iseraela ‘ina Tabu Tebweuna ‘ina tai.

Salamo 68:16

‘Oea sinabwami, to‘ase manuna wa sana geba, ‘Oea tauna Eaubada ‘i nuanuana be ‘ina ‘ebemia ‘enaia? Tamo, Ieoba ‘ena ‘i da mia ataia.

Salamo 46:5

Eaubada gamwagamwanaia; gea‘abo ‘i da loniu: Eaubada ‘i da lemena, tomwa ‘uli‘ulitaia.

Salamo 99:2

Ieoba ‘i sinabwana Siona ‘enaia: Ta tauna lo‘etana sana tomota iauiauna ‘edia.

Isaia 1:24

Ta ‘enega ‘Inapwana ‘i gwae, bodao ‘idi Ieoba, Iseraela ‘ina Toewaiwai, ‘Abo‘agu to loguitoasao ia da ‘ewa‐iauledi, ta ia da e‘isegu ‘agu tarauwarao manudi:

Isaia 24:14

Taudi getedi ‘enadi si da tu‘eiei, si da bwau; Ieoba ‘ina waiwai esaesa manuna si bwau toila orega.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Salamo 135:21

Ieoba ta da tupuna Sionega, Tauna Ierusalema ‘ena ‘i miami. Ieoba wa da tupuna.

Isaia 33:21

Ta ‘ena Ieoba ma‘eda ‘ina esaesa ‘enega, boasi‘awana bababadi ta boasi daudauna ‘idi esena; ‘ena gea‘abo ‘e bweu waga ma‘ina nea ‘i da tauia, nai waga esaesa ‘i da taona ‘enega.