Isaia 12:4 - Buki Tabu Lowaenei 1919

⁴ Ta asiata gote ‘enega wa da gwae, Ieoba ‘ena wa da ‘awabobo‘ana, ‘ana esana ‘ena wa da bwau, ‘ina guinuao wa da simanedi tomota gamwagamwanidia, wa da ‘inana ‘aene ‘ana esana ‘i miatu‘e.

Isaia 12:4 Referans Kwoze

Salamo 105:1

Ieoba ‘ena wa da lokagutoki, ‘ana esana ‘ena wa da bwau; ‘Ina guinuao wa da e‘ita tomota gamwagamwanidia.

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Salamo 57:5

Eaubada ie, ‘u da miatu‘e garewa ‘etanaia; ‘Imu esaesa ‘i da ‘ebare‘u maibo‘ana ‘etanaia.

Salamo 18:46

Ieoba maiawasina; ta ‘igu gurewa si da tupuna; Ta ‘agu ‘etoseana ‘ina Eaubada ‘i da mia tu‘e:

Si Apwesa 33:19

Ta ‘i gwae, ‘Igu bobo‘ana maibo‘ana ia da gitaonena matamuia, ta Ieoba ‘ana esena ia da ‘inana matamuia; ta ia da nuabobo‘ana taudi nuagu ia da nuabobo‘ana ‘edia, ta ia da e‘ita nua‘ole‘ole taudi nuagu ia da e‘ita nua‘ole‘ole ‘edia.

Si Apwesa 15:2

Ieoba ‘igu waiwai ta ‘igu wari, Ta Tauna ni‘atu ‘agu ‘etoseana: Gete ‘igu Eaubada, ta ia da tupuna; Tamagu ‘ina Eaubada, ta ia da gitu‘eiena.

Isaia 66:19

Ta we‘iwe‘iiaia ia da sa‘u gamwagamwanidia, ta taudi nigea si mwawasa ‘ediega ia da etunedi ‘ebeloinao ‘edia, Tasisa ‘ena, Pula ta Luda, taudi si lisi‐tupu, Tubala ta Iabana ‘edia, saru ‘edasora ‘edia, taudi nigea ‘aregu si nonona, nai ‘igu esaesa si ‘itena; ta ‘igu esaesa si da simana ‘ebeloinao gamwagamwanidia.

Isaia 33:5

Ieoba ‘i miatu‘e; ‘etanaia ‘i miami ta ‘enega: Siona ‘i loemaa loina ta bubuna paruparu ‘ediega.

Isaia 24:15

Ta ‘enega Ieoba wa da ‘awaeseesei bomatu ena, tuga Ieoba ‘ana esana, Iseraela ‘ina Eaubada, ora sarunao ‘edia.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 2:17

Ta tai ‘ina miatu‘e ‘i da mia‘opu‘opu, ta tai ‘idi gagasa ‘i da miamwa‘uta: ta Ieoba tebweuna ‘i da miatu‘e asiata gote ‘enega.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Salamo 113:5

Iaita Ieoba ‘ida Eaubada nadigega, Tauna ‘ina ‘ebemia ‘etanaia,

Salamo 107:22

Ta lokagutoki ‘ana tariao si da ‘ebwaea, Ta ‘ina guinuao si da simanedi wariega.

Salamo 97:9

‘Oio Ieoba, ‘oio to lo‘etana sana gabura maibo‘ana ‘enaia: ‘Oio ‘u miatu‘e wawasae eaubadao iauiaudi ‘edia.

Salamo 96:3

‘Ina esaesa ‘u da simana ‘ebeloinao gamwagamwanidia, ‘Ina guinuao ‘ebenuaowana tomota iauiaudi gamwagamwanidia.

Salamo 73:28

Ta ‘i bobo‘ana ‘eguia be ia da doro Eaubada deinaia: ‘Abo‘agu ‘Inapwana Eaubada ‘igu ‘ebedena, Be ‘enega ‘imu guinua iauiaudi ia da simanedi.

Salamo 46:10

Wa da mia oonua, ta wa da mwaratoni ‘abo‘agu Eaubada; Si da gitu‘eiegu ‘ebeloina gamwagamwanidia, Si da gitu‘eiegu bare‘u ‘enaia.

Salamo 40:5

Ieoba ie ‘igu Eaubada, guinua to sinabwa sadi ni‘atu ‘u guinuedi si iau‘ena‘ina, Ta ‘imu nuanuaiao manuma: Nigea kapekapeana ‘a da sau‘ai‘ailidi ‘emuia; ‘Abo manudi ia simana ta ia ona, Si iauwawasae ta nigea kapekapeana ia da sawedi.

Salamo 34:3

Ieoba wa da ‘awaeseesei ma‘eguao, Be ‘ana esana ta da gitu‘eie rererea.

Salamo 22:31

Si da mai ta ‘ina bubuna paruparuna si da simane Tomota si da tubua ‘enaia, ‘aene tauna ‘i guinuena.

Salamo 21:13

Ieoba ie ‘u da miatu‘e, ‘imu waiwai ‘ena: Ta ‘enega ‘imu waiwai ‘a da warie ta ‘a da tupuie.

Salamo 9:11

Ieoba ‘ena wa da wari tuputupu, tauna Siona ‘ena ‘i miami: Tomota ‘edia ‘ina guinuao wa da simanedi.

Salamo 148:13

Ieoba ‘ana esana si da tupuna; Tebweuna ‘ana esana ‘i mia tu‘e ta ‘enega: ‘Ina esaesa bare‘u ta garewa ‘i tu‘esinedi.

Isaia 26:8

Tamo, Ieoba ie, ‘imu loinao ‘idi ‘eda ‘ena ‘a iamwaiamwa manuio; iaruiaruama ‘ina nuanua ‘amu esana ‘ena ta ‘amu ‘ebenua‘i‘isi ‘ena.

Isaia 42:12

Ieoba si da ‘awaeseesei, ta ‘ana tuputupu si da simana saru ‘edia.

Isaia 48:20

Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Salamo 68:5

Tamatamagenidi tamadi, ta kwabura ‘idi to loina, Tauna Eaubada ‘ina ‘ebemia tabu ‘enaia.