Isaia 11:15 - Buki Tabu Lowaenei 1919

¹⁵ Ta Ieoba ora Aigupito meiana ‘i da giesaoori; ta iagila ‘ara‘arata ‘enega nimana ‘i da giniuiei Boasi‘awa debanaia, ta ‘i da ununa be ‘i boasidaudau ‘e sebeni, ta ‘i da loina be tai si da rubwarena ‘aedi iadaiadana.

Isaia 11:15 Referans Kwoze

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 19:16

Asiata gote Aigupito ‘i da nadigega iine: ta ‘i da dedera ta ‘atesa‘ara bodao ‘idi Ieoba nimana ‘ina giniu manuna, tauna ‘i giniu debanaia.

Isaia 7:20

Asiata gote ‘enega ‘Inapwana deba ta ‘ae unuununa ‘i da sui ‘ebesui e‘isa‘isana ‘enega, tauna Boasi‘awana mariesena esenanao ‘edia ‘i miami, tuga Asiria ‘ina king ‘enega: ta wate umi ‘i da loegumwarina.

Si Apwesa 14:21

Ta Mose nimana ‘i iasitotona ora debanaia; ta Ieoba ora ‘i gi‘ilena bomatu pa‘arinega boiboi maibo‘ana ‘enaia, ta ora ‘i bubuna be ‘i da e bwa‘a iadaiadana, ta ora ‘i weara ruena.

Si Apwesa 14:29

Ta Iseraela tubunao bwa‘a iadaiadana ‘ena si tautauia ora gamwagamwanega; ta ora ‘i pita rueruedi ‘ataidiega, ta gegeumidiega.

Isaia 8:7

Gete enega wa ‘ita, ta ‘enega, ‘Inapwana Boasi‘awa nina boasinao i ‘ewa tu‘edima ‘edia, pa‘aridi ta ‘iauiaudi, tuga Asiria ‘ana king ta ‘ina esaesa maibo‘ana: ta ‘i da tu‘ema ‘ina boasi‘awa iauiaudi debadia, ta tupitupina iauiaudi debadia ‘i da tauia:

Isaia 43:16

Gete nadigega Ieoba ‘i gwae, tauna ‘eda ‘i bubuna oraia, ta ‘eda gilelena boasi waiwai ‘edia;

Isaia 44:27

Tauna ni‘u ‘ena ‘i ona, ‘U da iapasa, ta ‘imu boasi‘awa ia da gieiapasedi;

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.

Isaia 63:12

Tauna nimana esaesa ‘i tauiena Mose ‘atainaia? tauna boasi ‘i weara ruena matadia, be tauna manuna esana ‘ataia ‘i bubuna?

Si Apwesa 14:22

Ta Iseraela tubunao ora gamwagamwanega si tauia bwa‘a iadaiadana ‘enega: ta ora ‘i pita rueruedi ataidiega, ta gegeumidiega.