Isaia 11:12 - Buki Tabu Lowaenei 1919

¹² Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Isaia 11:12 Referans Kwoze

Isaia 56:8

‘Inapwana Eaubada Tauna Iseraela ‘ina to mia apwesa ‘i egogonedi ‘i gwae, Ta ‘ena ‘aidi wate ia da egogonedi, ta nigea taudimo ‘ina tomota ni‘atu si egogona.

Isaia 43:6

Iaarata ‘ena ia da ona, ‘U da tagwara; ta iarasi ‘ena, Gea‘abo ‘u egagara; natuguao me‘olotodi ‘edasorega wa da me‘edi, ta natuguao me wainedi bare‘u ‘ana ‘ebelosaroniega;

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Salamo 147:2

Ieoba Ierusalema i ‘abi tu‘eiena; Iseraela ‘ina to mia to‘umali ‘i egogonedi rererea.

Isaia 27:13

Ta gete ‘i da apwesa asiata gote, ioguli sinabwana si da mu‘e; ta taudi ‘i abe si saoora ‘asa Asiria ‘enaia, ta taudi si mia apwesa ‘asa Aigupito ‘enaia, si da mai; ta Ieoba ‘ena si da bwagobwago Ierusalema ‘ina ‘oea tabu ‘enaia.

Salamo 68:22

‘Inapwana ‘i gwae, Basanega ia da ‘iledima, Ora ni‘uni‘unega ia da ‘iledima:

Isaia 62:10

Wa da rugu, wa da rugu ‘ari ‘ana ‘eberugu ‘edia; tomota ‘idi ‘eda wa da kakari; wa da ‘ulatu‘e, ‘eda sinabwana wa da ‘ulatu‘e; gurewa wa da egogonediwa; doe wa da gilagasi tomota manudi.

Isaia 59:19

Nadigega Ieoba ‘ana esana si da matautena ‘ebwagega, ta ‘ina esaesa sinara ‘ina sae ‘enega: ‘i da mai ‘atua murua ta ‘enega, tauna Ieoba iawasina ‘i giedau.

Isaia 18:3

Iauiaumi gabura ‘ana tomi, ta ‘omi bare‘u ‘ana tomi, ‘ena doe si gilagasina ‘oeao ‘edia, wa da ‘ita; ta ‘ena ioguli si mu‘e, wa da nono.

Salamo 60:4

Taudi si matautemu doedoe u ‘ebwaedi, Be ‘enega ‘i da taketake ona ‘ai‘aila manuna. (Sela.)

Salamo 107:3

Ta ‘i egogonedi ‘asa ‘ediega, Bomatuiega ta ‘ebwagega, Iaaratega ta iarasiega.

Isaia 24:16

Bare‘u ‘ana ‘ebelosaroniega ni‘atu wari ta nonodi, esaesa to paruparu ‘edia. Ta ia ona, Ia wakaka, ia wakaka, oioi ‘eguia! to bubu wasegigi si wasegigi; tamo, to bubu wasegigi si wasegigi sinabwana.

Isaia 49:5

Ta gete ‘enega Ieoba ‘i gwae tauna gamwega ‘i bubugu be ‘abo‘agu ‘ina to‐guinua, be Iakobo ia da me‘ena limana ‘enaia, ta ‘aene Iseraela ‘i da egogona ‘enaia: (‘abo‘agu ia esaesa Ieoba matanaia ta ‘enega, ta ‘igu Eaubada Tauna ‘igu waiwai:)

Isaia 49:22

‘Inapwana Eaubada gete nadigega ‘i gwae, Wa ‘ita, nimagu ia da gilagasi ‘ebeloinao ‘edia, ta ‘agu doe ia sa‘u etooro tomota ‘edia: ta natumuao me‘olotodi si da me‘edi lumalumadiega, ta natumuao me wainedi si da ‘a‘aridi.

Isaia 54:7

Tuta tomwana gidarina ia e‘idi‘idiemu ta ‘enega; ta nua‘ole‘ole sinabwadi ‘ediega ia da egogoneio.

Isaia 60:4

‘U da dune tu‘e dadana, be u ‘ita: iauiaudi si egogonedi rererea, si mai ‘emuia: natumuao me‘olotodi si da mai ‘edasorega, ta natumuao me wainedi si da ‘amwamwedi.

Isaia 66:19

Ta we‘iwe‘iiaia ia da sa‘u gamwagamwanidia, ta taudi nigea si mwawasa ‘ediega ia da etunedi ‘ebeloinao ‘edia, Tasisa ‘ena, Pula ta Luda, taudi si lisi‐tupu, Tubala ta Iabana ‘edia, saru ‘edasora ‘edia, taudi nigea ‘aregu si nonona, nai ‘igu esaesa si ‘itena; ta ‘igu esaesa si da simana ‘ebeloinao gamwagamwanidia.