Isaia 10:27 - Buki Tabu Lowaenei 1919

²⁷ Ta gete ‘i da apwesa asiata gote ‘enega, ‘ina bwagila ‘aramuiega ‘i da tauia, ta ‘ina ‘ebe‘a‘ara ‘otomuiega, ta ‘ebe‘a‘ara nina ‘i da saoora bunama manuna.

Isaia 10:27 Referans Kwoze

Isaia 9:4

‘Ana ‘a‘ara ‘ana ‘ebe‘a‘ara, ta ‘arana ‘ina guna, ‘ana to didiga ‘ina keweliwelili, ni‘atu ‘u lasedi ta ‘enega na‘ieana Midiana ‘ana asiata.

Isaia 14:25

Goma Asiria ia da weari ‘igu ‘asa ‘enaia, ta ‘igu ‘oea ‘edia ia da ‘aiaina: ga ‘ina ‘ebe‘ara ‘i da pilisinedi, ta ‘ana ‘a‘ara ‘aradiega ‘i da tauiawa.

Salamo 105:15

‘I gwae, ‘Igu ‘oro‘oroidi gea‘abo wa da gitoodi, Ta ‘igu paropitao gea‘abo wa gieto‘umaliedi.

Salamo 45:7

Bubuna paruparuna ni‘atu ‘u nuanuana sinabwana, ta bubuna to‘umalina ni‘atu ‘u guitoasena: Ta ‘enega Eaubada, ‘imu Eaubada, ‘i eoromu Sinabwa wawasae ‘amu epata ‘edia guausoara ‘ana bunamega.

Salamo 20:6

Gete ‘enega ia mwaratoni Ieoba tauna ‘i siwarorona i ‘etoseena; ‘Ina garewa tabu ‘enega ‘i da ona limana ‘enaia Ataina ‘ina waiwai ‘ebe‘etoseana ‘enega.

Salamo 84:9

Eaubada ‘ima lawa ie, ‘u da ‘ita, Ta ‘imu ‘orooroina maninina ‘u da ‘ita.

Isaia 37:35

‘Asa gete ia da lemena ta ‘enega be ia da ‘etoseena, taugu manuna, ta ‘igu to‐guinua Dabida manuna.

Salamo 132:10

‘Imu to‐guinua Dabida manuna ‘Imu ‘oro‘oroina gea‘abo maninina ‘u da giesana‘ilena.

Salamo 2:6

Ta ‘igu king ni‘atu ia sa‘una ‘Igu ‘oea tabu Siona ‘enaia.

Salamo 81:6

‘A‘arana ia ‘ewena bwagilega: Nimanao si li‘amidi kodoega.

Isaia 30:23

Ta ‘imu ewana ‘ana ‘usana ‘i da ‘ebwaea, be ‘enega bwa‘a ‘u da dauna; ta bwa‘a ‘ina sinabwa masurina, ta ‘i da iapa ta iauwawasae: asiata gote ‘imu bulomakau si da ‘e‘ai pwatura sinabwadi ‘edia.

Isaia 52:2

Kauiega ‘u da giniuieio tauio; ‘u da tooro, ‘u da miatoa, Ierusalema ie: ‘otoio ‘ana ‘ebepaimiao ‘ediega ‘u da li‘amiio, ‘oio Siona natuna mewainena ioniionina.

Isaia 55:2

To‘ase manuna mani wa loegumwarina iage nigea masura manuna? ta ‘imi guinua iage nigea ‘i loema‘emi manuna? ‘eguia wa da nono‘i‘isi, ta iage ‘i bobo‘ana wa da ‘e‘ai, ta iaruiaruami wa da tagwara be ‘i guausoara iapa ‘enaia.

Loina 7:35

Gete Aarona ‘ina oroa‐tomwana, ta natunao ‘idi oroa‐tomwana, Ieoba ‘ana ‘ebwaeadaita si bubuna aweiega ‘ediega, asiata ‘enega i ‘ebwaea‘edi be si guinua Ieoba ‘enaia to‐taria ‘ina guinua ‘enaia;