Isaia 10:16 - Buki Tabu Lowaenei 1919

¹⁶ Ta ‘enega ‘Inapwana, bodao ‘idi ‘Inapwana, ‘ebewakaka ‘i da etunena ‘ina iapaiapadi ‘edia; ta ‘ina esaesa ‘ubunaia ‘arata nadigega ‘awe ‘ina ‘ara‘arata si da loe‘abia.

Isaia 10:16 Referans Kwoze

Salamo 106:15

Ta ‘idi sidasida i ‘ebwaedi; Ta wakaka ‘i etunena iaruiaruadi ‘enaia.

Isaia 37:36

Ta Ieoba ‘ina anelose ‘i apwesawa, ta me Asiria ‘idi ‘ebe‘eno ‘ena ‘i unudi wan anaredi ta eti paibe tausana: ta ni‘atu tai si tooro manini gonagonaia, ga wa ‘ita, iauiaudi kokoa mwawamwawasidi.

Isaia 37:29

‘Imu egamwagamwagu ‘eguia leleana, ta ‘imu gagasa tenagu ‘edia ‘i tu‘ema manuna, ta ‘enega ‘igu dilu ubusuio ‘ena ia da sa‘u, ta ‘igu ‘ebe‘etobode sopaio ‘edia, ta ia da giesana‘ileio ‘eda ‘enega ‘u mai.

Isaia 17:4

Ta gete ‘i da apwesa asiata gote, Iakobo ‘ina esaesa ‘i da e dedeia, ta esiona iapana ‘i da ewakaka.

Isaia 10:18

Ta ‘ina o‘ai ‘ina esaesa, ta ‘ina bagura ua loebwaina ‘ina esaesa, ‘i da ‘arasidi, iaruiaruana ta oona ruarua: ta ‘i da nadigega tuta ‘enega to ‘a‘ara doe ‘i mwawamwawasa.

Isaia 9:5

Tai ma‘ina ‘ebelosaia egogona toila ‘ena ‘ina ‘ebelosaia iauiauna, ta ‘oama si pwasa rarega, si da miami ‘arata manuna ta ‘enega, awe sabelulu ‘ana kaiwe manuna.

Isaia 5:17

Ga lamiao si da ‘e‘ai na‘ieana ‘adi pwatura ‘enaia, ta taudi si momonana ‘idi esena miadaita to‘u‘umara si da ‘enina.

Isaia 8:7

Gete enega wa ‘ita, ta ‘enega, ‘Inapwana Boasi‘awa nina boasinao i ‘ewa tu‘edima ‘edia, pa‘aridi ta ‘iauiaudi, tuga Asiria ‘ana king ta ‘ina esaesa maibo‘ana: ta ‘i da tu‘ema ‘ina boasi‘awa iauiaudi debadia, ta tupitupina iauiaudi debadia ‘i da tauia:

Salamo 78:31

Ga Eaubada ‘ina gamwasoara ‘i tu‘e ‘edia, Ta iapaiapa wawasaedi ‘edia ‘i loemwawasidi, Ta Iseraela ‘ana tubuauiao ‘i unu mwa‘utedi.

Isaia 31:9

Ta ‘ina gurewa ‘i da sawara ‘ebedidiga manuna, ta ‘ina ‘inapwanao si da ‘atesa‘ara doedoe ‘enaia, Ieoba ‘i gwae, tauna ‘ina awe ‘ara‘arata Siona ‘ena ‘i miami, ta ‘ina umura Ierusalema ‘enaia.

Isaia 9:4

‘Ana ‘a‘ara ‘ana ‘ebe‘a‘ara, ta ‘arana ‘ina guna, ‘ana to didiga ‘ina keweliwelili, ni‘atu ‘u lasedi ta ‘enega na‘ieana Midiana ‘ana asiata.

Isaia 26:11

Ieoba, nimaio ‘i tooro, ta nigea si ‘ita‘ita: ta ‘imu waiwai tomota manudi si da ‘itena, ta si da omaiamaia; tamo, awesabelulu ‘amu tarauwarao ‘i da ‘enidi.