Isaia 1:4 - Buki Tabu Lowaenei 1919

⁴ Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.

Isaia 1:4 Referans Kwoze

Isaia 5:24

Ta ‘enega na‘ieana awe meiana sumwana ‘i e‘egumwarina, ta na‘ieana nedu iadaiadana ‘i mwa‘uta awe sabelulu ‘ena, na‘ieana ramudi ‘i da bila ‘atua, ta senidi ‘i da tu‘e kau ‘atua: bodao ‘idi Ieoba ‘ina loina si e‘idi‘idiena ta ‘enega, ta Iseraela ‘ina Tabu Tebweuna ‘ina ona si sinarina.

Isaia 5:19

Taudi si gwae, ‘I da lomanini, ‘ina guinua ‘i da lomaniniena be ta da ‘ita: ta Iseraela ‘ina Tabu Tebweuna ‘ina nuena ‘i da doroma ta ‘i da mai, be ta da mwaratonina!

Isaia 65:3

Tomota si eiaba‘ataiegu mataguia, bagura ‘edia si taria, ta mu‘ana si gabu gurewa gabugabu ‘edia:

Isaia 41:20

Be ‘enega si da ‘ita, ta si da mwaratoni, ta si da nuanua, ta si da sinapuna rererea, ‘aene Ieoba nimana iage gete ‘i guinua, ta Iseraela ‘ina Tabu Tebweuna ‘i mweruruina.

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 37:23

Iaita ‘u ba‘ena ta ‘u ona besobeso‘ena? Ta iaita manuna ‘enaio ‘u gitu‘eiei ta matamuiega u ‘ita tu‘e tabwanaia? tuga Iseraela ‘ina Tabu Tebweuna ‘enaia.

Isaia 30:15

Gete nadigega ‘Inapwana Eaubada ‘i gwae, Iseraela ‘ina Tabu Tebweuna, ‘Ilama ta eiawai‘ata ‘enega wa da bobo‘ana; mia‘emwa‘ule ‘ena ta nuaiai ‘ena ‘imi pa‘ara ‘i da miami: ta geanuami.

Isaia 30:9

Tomota gete loguitoasidi, gogama onakabokabo, gogama Ieoba ‘ina loina nigea si da nono:

Isaia 29:19

Taudi si mia oonua wate ‘idi guausoara si da giesinabwa Ieoba ‘ena, ta gomabeso tomota ‘edia si da uiawana Iseraela ‘ina Tabu Tebweuna ‘enaia.

Isaia 14:20

Gea‘abo ‘u miami ma‘edi sa‘u ‘ari‘ari‘ena, ‘imu ‘asa ‘u giesaoorina ta ‘enega, ‘imu tomota ‘u loemwawasidi; toguinua‐to‘umalina tubudiao gea‘abo si da ‘inana ga tuta ‘ataia.

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Isaia 3:8

Ierusalema ‘i saoora ta ‘enega, ta Iuda ‘i be‘u: meiadi ta ‘idi bubuna si tooro Ieoba matanaia ta ‘enega, be ‘ina esaesa matana si da gieiabadi.

Isaia 1:23

‘Imu ‘inapwanao si nuapa‘ara, ta to‐anawarao gosediao; iauiauna ‘ebwaeadaitao nuanuadi, ta e‘isao si muria; pesiedao nigea ‘adi etara si gieparuparu, wate kwabura ‘ina iage nigea ‘edia ‘i mai.

Salamo 89:18

‘Ida lawa Ieoba ‘ina iage ta ‘enega; Ta ‘ida king Iseraela ‘ina Tabu Tebweuna ‘ina tai.

Salamo 78:40

Tuta iauiauna ‘ena si loguitoasa mitawaia, Ta ‘ina dedo si sa‘una esena kaukaudaisinamo ‘enaia!

Salamo 78:8

Ta gea‘abo si da nadigega tubudiao, Epata‐tomota nuapa‘ara ta loguitoasa; Epata‐tomota ‘atedi nigea si sa‘usa‘u‘ai‘aili, Ta iaruiaruadi nigea ‘i miamia pa‘ara Eaubada ma‘ieana.

Salamo 58:3

To to‘umalidi gamwa ‘enega si mia gesi: Tuta ‘ai‘aila ‘enega si tubua si tauia gesi, onakabokabo si oneone.

Nugana 13:13

Ta tai Sodoma si to‘umali wawasae ta si guinua geiogeioi leoba ‘enaia.

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Salamo 71:22

Wate ia da tupuio binobino‘oega, Tuga ‘imu ona‘ai‘aila, ‘igu Eaubada ie: ‘Emuia ia da wari tuputupu apiega, ‘Oio Iseraela ‘ina Tabu Tebweuna.

Isaia 1:28

Ta to‐li‘oa‐loinao ta to‐to‘umalidi ‘adi weara ‘i da erererea, ta taudi Ieoba si e‘idi‘idiena ‘i da‘arata ‘e gumwaridi.

Isaia 9:17

Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 31:2

Ta tauna wate ‘i sinasinapu, ta to‘umalina ‘i da me‘ei, ta ‘ina ona gea‘abo ‘i da ‘ewalimedi: ta ‘i da tooro toumalina ‘ina toguinuao ‘idi anua ‘enaia, ta taudi bubuna bokobokona si guinua ‘idi leme ‘enaia.

Isaia 57:17

‘Ina iato‘ai ‘ina bubuna bokoboko manuna ia gamwasoara ta ia ununa, maninigu ia kwaiena ta ia gamwasoara: ta ‘i tauia sanasana‘ila ‘atena ‘ina bubuna ‘enega.

Isaia 58:2

Ta asiata iauna si ‘ebesegu tuga, ta si ‘uiawana ‘igu ‘eda si mwaratonidi manuna: ‘atua ‘asa bubuna paruparu si guinua, ta ‘idi Eaubada ‘ina loina nigea si e‘idi‘idia, loina paruparuiao si eonegu, si ‘uiawana ‘idi doro Eaubada serabenaia.

Isaia 65:11

Ta ‘omi Ieoba wa e‘idi‘idia, ‘igu ‘oea tabu wa nuapupura, tebeli wa sa‘u ‘ai‘aili Simasimana manuna, ta oine wa ‘ili‘ilina wa loemaa Oba manuna;

Si Apwesa 32:7

Ta Ieoba ‘i ona Mose ‘enaia, ‘U da tauia, ‘u da mwa‘uta; ‘imu tomota ta ‘enega, taudi u ‘au‘ewedima ‘asa Aigupitoega, ni‘atu si gieto‘umaliedi:

Salamo 78:41

Ta si ‘ila limana ta Eaubada si too, Ta Iseraela ‘ina Tabu Tebweuna si eiabena.

Salamo 78:57

Ta si sana‘ila tuga, ta si bubuna kakokabo tubudiao nadigega; Si tauia gesi ‘atua tupu kabokabo.

Isaia 30:1

Oioi gogama loguitoasa ‘edia, Ieoba ‘i gwae, loina si ‘ebesa, ta nigea ‘eguiega; ta bwasega si bwasa, ta nigea iaruiaruagu ‘enega, be ‘enega loegesi si sa‘uepopo loegesi ‘enaia: