Isaia 1:23 - Buki Tabu Lowaenei 1919

²³ ‘Imu ‘inapwanao si nuapa‘ara, ta to‐anawarao gosediao; iauiauna ‘ebwaeadaitao nuanuadi, ta e‘isao si muria; pesiedao nigea ‘adi etara si gieparuparu, wate kwabura ‘ina iage nigea ‘edia ‘i mai.

Isaia 1:23 Referans Kwoze

Si Apwesa 23:8

Ta ‘ebwaeadaita gea‘abo ‘e bweu ‘u da ‘ewena: ‘ebwaeadaita taudi matadi bobo‘ana ‘i giekebodi ta ‘enega, ta to‐paruparuna ‘idi ona ‘i giebokodi.

Isaia 3:14

Ieoba ‘i da etara ‘ina tomota ‘idi to nuganao ma‘edi, ta ‘ina ‘inapwanao ma‘edi: ‘Omi baguraoine wa e‘e gumwarina; gomabeso ‘idi gwegwe ‘oae‘oaena ‘imi anua ‘edia ‘i miami:

Isaia 33:15

Tauna ‘i tautauia paruparu, ta ‘i ona ‘ai‘aila; tauna ‘oae ‘ana ‘ewa ‘i sinarina, tauna tamapu kwaia ‘ana giiai ‘enega nimanao ‘i giniuiedi, tauna tenana ‘i gibode rara ‘ana nono ‘enega, ta matana ‘i gibodedi ‘ita to‘umali ‘ena ‘enega;

Isaia 1:22

‘Imu sileba ni‘atu ‘i ekainumu besobeso, ‘imu oine maboasina.

Isaia 5:23

Taudi to to‘umalidi si ‘awaparuparu e‘isa manuna, ta to paruparu ‘ina bubuna paruparu ‘enega si ‘ewena!

Isaia 30:1

Oioi gogama loguitoasa ‘edia, Ieoba ‘i gwae, loina si ‘ebesa, ta nigea ‘eguiega; ta bwasega si bwasa, ta nigea iaruiaruagu ‘enega, be ‘enega loegesi si sa‘uepopo loegesi ‘enaia:

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega:

Isaia 1:17

Guinua bobo‘ana wa da pana‘itena; loina wa da ‘ebesa, to mia mwa‘uta wa da lemedi, pesiedao ‘adi etara wa da gieparuparu, kwabura wa da ona lemena.

Isaia 1:18

Gete ‘enega wa da mai, be ta da eonaona, Ieoba ‘i gwae; ‘abo imi bubuna to‘umalidiao si bweabweara ‘atua, si da wakewakeke sinou ‘atua; ‘abo si bweabweara rara ‘atua, si da wula ‘atua.

Isaia 28:14

Ta ‘enega Ieoba ‘ina ona wa da nono, ‘omi tai gagasa, ‘omi tomota gete Ierusalema ‘ena si miami wa loinedi: