Iona 4:6 - Buki Tabu Lowaenei 1919

⁶ Ta Ieoba Eaubada mwanamwana ‘e bweu ‘i bubuna, ta ‘i gietabwena Iona debanaia, be ‘i da ‘e debana iauiaukwina, be ‘enega ‘i da ‘etoseena ‘ina miamia to‘umalina ‘enega. Ga Iona ‘i uiawana sinabwana mwanamwana manuna.

Iona 4:6 Referans Kwoze

Iona 1:17

Ta Ieoba iana sinabwana ‘i me‘ena be Iona ‘i da tonena; ta Iona iana gamwanaia ‘ena ‘i miami asiata ‘e toi ta guguioi ‘e toi.

Isaia 39:2

Ta Esekia ‘i guausoara manudi, ta ‘ina iage bobo‘ai‘ailidi ‘idi anua ‘i e‘ita ‘edia, sileba be, gola be, mu‘ana be, bunama bobo‘ai‘ailina be, ‘ina ‘ebesaia ‘ana anua maibo‘ana be, iage iauiauna si miami ‘ina gwegwe ‘edia be; nigea ‘e bweu iage ‘i miamia ‘ina anuaia, nai ‘ina ‘ebeloina maibo‘ana ‘enaia, Esekia nigea ‘i e‘ita ‘edia.

Esiteri 5:9

Ga Amana asiata gote ‘i apwesa ta ‘i guausoara ta ‘atenega i ‘uiawana: ta ni‘atu Amana Modekai i ‘itena king ‘ina ‘awa ‘enaia, ta nigea ‘i da tooro nai matanaia ‘i da loniu, ga gamwasoara ‘i loemae Modekai manuna.

Iona 4:5

Ga Iona ‘asega ‘i apwesa, ta ‘asa deideinaia sinara ‘i sae ‘enaia ‘ena ‘i miatoa, ta ‘ena ‘ina ioeioe i ‘abina, ta ‘agaraunaia iauiaukwanaia ‘i miatoa, be ‘enega ‘i da ‘ita to‘ase ‘i da apwesa ‘asa ‘enaia.

Iona 4:7

Ta Eaubada didimwana ‘e bweu ‘i bubuna ‘ena i ‘uli‘ulita gonagonaia, ta mwanamwana i ‘enina ga i ‘oaperu.