Iona 2:7 - Buki Tabu Lowaenei 1919

⁷ ‘Ena iaruiaruagu ‘i mwawasa soraguia, Ieoba ia nua‘i‘isina: Ta ‘igu sidasida ‘emuia ‘i ruguma, ‘imu anua tabu gamwanaia.

Iona 2:7 Referans Kwoze

Salamo 18:6

‘Igu ‘ate‘uia‘uia ‘enega ia bwau Ieoba ‘enaia, Ta ‘igu Eaubada ‘ena ia bwau: ‘Ina anua‐tabuiega ‘enagu ‘i nonona, Ta ‘igu bwau matanaia tenana ‘ena ‘i rugu.

Salamo 143:5

Asiata lowaenei ia nua‘i‘isidi; ‘Imu guinua iauiauna ia nuanua: Nimaio ‘idi guinua manuna ia nuanua.

Salamo 11:4

Ieoba ‘ina anua tabu ‘ena ‘i miami, Ieoba, ‘ina ‘ebemi‐esaesa garewaia; Matana si ‘ita, ta mataiaraiarana si too tomota natunao.

Salamo 27:13

Ia mwawasa ni‘atu, ‘abo nigea ia iareiare be Ieoba ‘ina bubuna bobo‘ana ia da itena Maiawasidi ‘idi ‘asa ‘enaia.

Salamo 20:7

‘Aidi saliote ‘ena si ‘emisa, ta‘aidi ose ‘edia; Ta ‘abo‘ama Ieoba ‘ima Eaubada ‘ana esana ‘a da ‘inana.

Salamo 65:4

Tai u ‘esinuena, ta u ‘au‘ewenama tauna ‘i bobo‘ana, Be ‘imu anuao ‘edia ‘i da miami: ‘Imu anua ‘ina bobo‘ana ‘i da sawesawemaia, ‘Imu anua ‘ina esena tabu.

Iona 2:4

Ta ia gwae, matamuiega si ‘ula apwesegu; Ta ‘imu anua tabu ‘ena ia da dunedune limana.

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Salamo 43:5

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna ta ‘enega, Tauna maninigu ‘ina ‘ebebobo‘ana, ta ‘igu Eaubada.

Salamo 42:11

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna, Tauna maninigu ‘ina ‘ebebobo‘ana, ta ‘igu Eaubada.

Salamo 42:5

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna ta‘enega Maninina ‘ana ‘ebebobo‘ana manuna.

Salamo 22:14

Boasi ‘atua ia daudau, Ta lulugu iauiaudi ‘idi tubwe si mia geiogeioi: ‘Ategu gweda nadigega; Diagu soranaia ‘i doga.

Salamo 142:3

‘Ena iaruiaruagu ‘i mwawamwawasa ‘ateguia, ‘oio ‘igu ‘eda ‘u mwaramwaratonina. ‘Eda nina ‘enega ia tautauia ‘ena sikwa si sa‘ukwaia manugu.

Isaia 38:17

U ‘ita, darere sinabwana ia ‘ewena miaenono manuna: Ta oboboma iaruiaruagu ‘ena ‘enega ‘u ‘etoseena mwa‘ulu ‘ina gaulega; ‘Igu loegesi iauiaudi ni‘atu u ‘uledi guaumuia ta ‘enega.