Iona 2:2 - Buki Tabu Lowaenei 1919

² Ta ‘i gwae, ‘Igu elo‘uia ‘enega Ieoba ‘ena ia bwau, Ta ‘i ona limana ‘eguia; Seola gamwanega ia bwau, Ta ‘enagu ‘u nonona.

Iona 2:2 Referans Kwoze

Salamo 120:1

‘Igu elo‘uiega ia bwau Ieoba ‘enaia, Ta ‘eguia ‘i ona limana.

Salamo 34:6

Tai gomabeso gete ‘i bwau, ta Ieoba ‘i nonona, Ta ‘ina elo‘uia iauiauna ‘ediega i ‘etoseena.

Salamo 86:13

‘Imu nua‘ole‘ole ‘i sinabwa ‘eguia ta ‘enega; Ta iaruiaruagu u ‘etoseena gaula lo‘ubunega.

Salamo 116:3

Mwawasa ‘ina marakwao si sakowasiegu, Ta Seola ‘ina elo‘uiao si giiaigu: Loniu ta ‘ebededo ia lobedi.

Salamo 22:24

To dedoi ‘idi dedoi nigea ‘i sinarina nai ‘i guitoasena ta ‘enega; Nai maninina ‘enega i ‘etokwaiena; Ta ‘ena ‘i dedoi ‘enaia, ‘i nonona.

Salamo 4:1

‘Igu bubuna paruparuna ‘ina Eaubada ie, ‘Ena ia bwau ‘eguia ‘u da ona limana; ‘Ena ia mia dedoi ‘u li‘amigu: ‘U da ‘atenua‘ole‘oleiegu, ta ‘igu sidasida ‘u da nonona.

Isaia 14:9

Seola ‘ubunega ‘i loniu manuio sabi lobaio ‘imu memai ‘enaia: to mwawasa ‘i giniuiedi manuio, tuga bare‘u ‘ina sinabwao iauiaudi; ni‘atu ‘ebeloinao ‘idi kiniao iauiaudi ‘i gietoorodi ‘idi ‘ebemiesaesa ‘ediega.

Salamo 65:2

‘Oio sidasida ‘u nonona, ‘Emuia esio maibo‘ana ‘i da mai.

Salamo 61:2

Bare‘u ‘ina ‘ebelosaroniega ia da bwau ‘emuia, ‘ena ‘ategu ‘i loemwawasi: Gurewa ‘i lo‘etanasinegu ‘ena ‘u da ‘au‘ewegu.

Salamo 16:10

Iaruiaruagu nigea ‘u da pilisinena Seola ‘ena ta ‘enega; Nai ‘imu to ‘esasena ‘u da tagware be bila ‘i da ‘itena.