Esiteri 9:1 - Buki Tabu Lowaenei 1919

¹ Ga nawarae ‘e twelu nina, tauna nawarae Adara, ‘ana asiata ‘e tatini nina, ni‘atu king ‘ina ona ta ‘ina loina ‘i abe si guinuei, asiata nina ‘enega me Iuda ‘adi tarauwarao si nuena ‘aene si da loinedi; ta i ‘ebunina be dumadumana, ga me Iuda esia taudi nuadi ‘i to‘uto‘umali ‘edia ga si loinedi;

Esiteri 9:1 Referans Kwoze

Esiteri 8:12

Asiata ‘e bweuna tuga ‘enega king Aasaberosa ‘ina esena iauiauna ‘edia, tauna nawarae ‘e twelu nina ‘ana asiata ‘e tatini nina, tauna nawarae Adara.

Esiteri 3:13

Ta leta si etunedi to piliiareiare ‘ediega king ‘ina esena iauiauna ‘edia, be ‘enega me Iuda iauiaudi si da loesawaridi, si da unudi, si da loemwawasidi, tubuau ta tai sinabwadi, gogama gidaridi ta iine, asiata ‘e bweuna ‘enega, nawarae e twelu nina ‘ana asiata e tatini nina, tauna nawarae Adara, ta ‘idi gwegwe ‘ediega si da ‘oaedi.

Salamo 30:11

Manugu ni‘atu ‘igu ‘ewabamu ‘u gibunina lausa ‘enaia; ‘Agu ‘oama ‘oausa ni‘atu ‘u alolona, ta ‘u elogadiwanigu guausoarega:

Esiteri 9:17

Nawarae Adara ‘ana asiata ‘e tatini nina iage gete si guinua; ga tauna nawarae nina ‘ana asiata ‘e potini nina si eiawai‘ata, ta si bubuna asiata losagari be guausoara.

Esiteri 3:7

Nawarae ‘e bweuna, tauna nawarae Nisana, king Aasaberosa ‘ina iakwara e twelu nina, si ‘ula Pura, nate, ‘ebe‘ula‘esinua, Amana matanaia asiata ga asiata, nawarae ga nawarae, ga nawarae ‘e twelu nina, tauna nawarae Adara.

Esiteri 8:6

mwa‘adega ia da e‘arama‘i‘itanegu be to‘umalina ‘i da mai ‘igu tomota ‘edia be ia da ‘itena? nai mwa‘adega ia da e‘arama‘i‘itanegu be ‘igu susu ‘idi saoora ia da ‘itena?

Salamo 18:40

Wate ‘agu tarauwarao ‘u giesanaguiguidi ‘eguia, Be ‘enega taudi si guitoasegu ia da ‘upwa‐iauledi.