Esiteri 10:2 - Buki Tabu Lowaenei 1919

² Ta ‘ina loina ta ‘ina waiwai ‘adi guinua iauiauna, ta Modekai ‘ina sinabwa ‘ana tetera, ‘ena king ‘i gitu‘eiena, nigea nai si ‘eto‘etoladidi me Media ta Perisia ‘idi king ‘adi iageiao ‘idi buki ‘edia?

Esiteri 10:2 Referans Kwoze

Esiteri 8:15

Ta Modekai king matanega ‘i apwesa ma‘ana ‘oama esaesa karakarawina ta wakewakekena, ta ma‘ana peaula gola sinabwana, ta ma‘ana tara‘apwara kaleko matagidarina ta bweabwearina: ta ‘asa Susa ‘i bwau ta ‘i eguausoara.

Esiteri 9:4

Modekai ‘i sinabwa king ‘ina anua ‘enaia ta ‘enega, ta ‘arena ‘i apwesa esena iauiauna ‘edia: tai Modekai ‘i sinabwa ga ‘i sinabwa wawasae ta ‘enega.

Esiteri 2:23

Ta ni‘atu iage nina manuna si bwa‘omatana, ta si loba ‘aene nadigega, ga si loesanaruedi kaiwe ‘enaia: ta si ‘etoladina buki etetera ‘ena king matanaia.

Esiteri 6:1

Boiboi nina king nigea ‘i da ‘enomwataia; ta ‘i loina be ‘ebenua‘i‘isiao ‘adi buki, iage iauiauna ‘adi buki si da me‘ena, ta king matanaia si sawedi.

Salamo 18:35

Wate ‘agu ‘etoseana ‘ana lawa ni‘atu u ‘ebwaegu: Ta ‘ataio ni‘atu ‘i gietoorogu, Ta ‘imu bubuna nuana ni‘atu ‘i giesinabwegu.

Esiteri 8:2

Ta king ‘ana nimapasapasa ‘i alolona, tauna Amana ‘enega i ‘ewe‘ewena, ta Modekai ‘ena i ‘ebwaea‘ena. Ta Esiteri Modekai ‘i sa‘una be Amana ‘ina anua ‘i da loinei.