Yude 1:25 - Loina Tabu Auwauna NT

²⁵ Yaubada namo 'ada To'etoseyana, nate 'ida 'Inapwana Yesu Keliso 'ina guinuwa 'enega, 'enega tada tupuna 'ina loina palupaluna ta waiwaina lowaenei ga batuwa be tuta simeemai 'ediya. Eimeni. 'Abo'agu Yude.

Yude 1:25 Referans Kwoze

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

Yoni 5:44

“'Omi nuwanuwami be taumi 'emiyega 'ami tupu wada nonodi, ta esi 'ami tupu Yaubada 'enega waguitoyasena. Nate 'alena nigeya kapekapeyana be waemisegu.

Loma 11:36

Manuna tauna yage maibo'ana 'adi tobubu, ga tauna wate 'ina waiwaiyega yage maibo'ana tauna manuna 'ibubudi. 'Enega Yaubada nina tada tupu atae. Eimeni.

Ibeliu 13:8

Yesu Keliso 'ina bubuna 'enega lowaenei ga batuwa be tuta 'imeemai 'ediya nigeya 'ida giedumedumena.

E'ita'ita 1:6

'Enega 'iegogoneda be 'aene 'abo'ada 'ina toloinao be 'ina totaliyao Tamana Yaubada 'enaya. Tauna Yesu nina 'ina esaesa be 'ina waiwai miyamiya atayadi. Eimeni.

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

Loma 16:27

Yaubada tauna tebweuna Tosinasinapu 'ai'aila, 'enega Yesu Keliso 'ana esanega tada tupuna, tuta maibo'ana 'ediya. Eimeni. 'Abo'agu Paulo.

Madiu 6:13

Ta geya'abo 'utootooma, ta esi tauna toto'umalina nina 'enega 'uda 'etoseyema.”

Epeso 3:21

'Enega toekalesiyao maibo'ada Yesu Keliso 'ana esanega tada tupu atae, 'epata be 'epata 'ediya. Eimeni.

Yoni 4:22

ta 'uda mwalatoni 'aene me Samelia 'omi nigeya wamwalamwalatoni yaita 'ena wabwagobwago, ta 'abo'ama me Yudia 'amwalamwalatoni yaita 'ena 'abwagobwago manuna 'etoseyana 'emega 'iapwesama.

2 Pita 3:18

Ta esi 'ida 'Inapwana, tauna 'ada To'etoseyana Yesu Keliso, 'ana mwalatoi be 'ina oboboma 'emiya 'ida sinabwa, ta tauna tada tupu atae. Eimeni. 'Abo'agu Saimoni Pita

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

1 Pita 4:11

'Enega yaisigedi 'omi waetosimana wada etosimana tuga nadigega Yaubada 'ina ona wasimasimane, ta 'abo yaisigedi 'omi walemalema wada lema tuga 'imi waiwai maibo'anega, nadigega waiwai nina 'i'ebwa'emi, be 'enega guinuwa maibo'adi 'ediyega tomota Yesu Keliso sida mwalatoni be Yaubada sida tupu, manuna tauna Toesaesa sana, ta Toewaiwai sana, tuta maibo'ana 'ediya. Eimeni.

Taito 3:4

Ta muliyega Yaubada tauna 'ada To'etoseyana 'ina oboboma be 'ina 'atenuwa'ole'ole 'igieapwesena,

Taito 2:10

be geya'abo 'ipwala. Ta esi ma idi 'amayaba 'ai'aila taudi 'ada To'etoseyana Yaubada tetelina sigieapwese, 'idi guinuwa bobo'ana 'enega.

1 Timoti 2:3

'Ada To'etoseyana Yaubada nina nuwanuwana be gete nadigega tada sidasida'esa,

Epeso 3:10

'aene 'ebe'ita 'abo'ada toekalesiyao, be 'edega Yaubada 'ina mwalatoi maibo'ana 'ie'itae galewa 'ana yaluyaluwa waiwaidi 'ediya.

Loma 11:33

Yaubada 'ina loina be 'ina mwalatoi sinabwa wawasae manudi geya'abo tagwaegwae, ta 'abo'ada nigeya 'ebweu yaita sawesawenaya be Yaubada 'ina nuwanuwa be 'ina guinuwao 'isinapudi.

Luke 1:47

ta yagwaugwausowala Yaubada tauna 'agu To'etoseyana 'enaya.