Yoni 8:58 - Loina Tabu Auwauna NT

⁵⁸ Ga gote 'inapwanao nidi 'ieonedi, 'igwae, “Yaona 'ai'aila 'emiya, 'aene muliyega be Ebelaamo 'itutubuwa ta 'abo'agu tuga yamiyami.”

Yoni 8:58 Referans Kwoze

Kolose 1:17

Ta lowaenei muliyega be mwelumweluluwao siapwesa, Natuna nugana 'imiyami, ta tauna 'ina waiwaiyega yage maibo'adi simiya'ai'aila ta sipaipaisewa.

Yoni 17:5

Tamagu ye, gete tuga matamuya 'agu esana 'uda gitu'eye, nadigega tuga lowa 'oyo be 'abo'agu 'ida esaesa nina 'ena tamiyami, ga muliyega bale'u tamweluluina.

E'ita'ita 1:8

'Ida 'Inapwana 'igwae, “'Abo'agu 'ebe e'ale be 'ebe losalowa.” Tauna Yaubada nina Toewaiwai sana, ta lowaenei ga batuwa ta tuta simeemai 'ediya 'imiyami.

Ibeliu 13:8

Yesu Keliso 'ina bubuna 'enega lowaenei ga batuwa be tuta 'imeemai 'ediya nigeya 'ida giedumedumena.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

E'ita'ita 2:8

Anilose nina totapwaloloyao Simulina 'ena 'i'ita'ita'i'isidi 'ina leta 'uda 'etoladi me Simulina nidi manudi be 'uda gwae: Ale gete 'imai tauna 'ebe e'ale be 'ebe losalowa 'enega, tauna ni'atu 'imwawasa ta 'itoolo limana ga mayawasina 'imiyami. Tauna gete 'ina simana 'emiya 'igwae:

Yoni 8:51

Yaona 'ai'aila 'emiya, 'abo yaita 'igu ona 'imuliya 'ai'ailidi, tauna geya'abo sa'i 'imwawamwawasa.”

E'ita'ita 1:11

“Yage nidi ma'etamo 'u'itadi manudi 'uda 'etoladidi, be 'enega buki nina 'uda etune Ekalesiyao sebeni 'ediya, nate Epeso be Simulina be Peligamo be Tayataila be Salidisa be Piladelipia be Laodisia wate 'enaya.”

Yoni 8:34

'Enega Yesu 'ieonedi, “Yaona 'ai'aila 'emiya, 'abo yaisigedi taudi 'idi guinuwa to'umalina, taudi to'umalina nina 'iyoniyonidi, be to'umalina 'ina sena 'ena simiyami.

Yoni 8:24

'Enega yaeonami 'aene 'imi bubuna to'umalidi 'ediyega wada mwawasa, 'abo nigeya waemiemisegu. Nate 'alena 'enega yaeonami 'aene wamwamwawasa ma imi bubuna to'umalina.

Yoni 8:28

'Enega Yesu 'ieonedi, 'igwae, “'Abo'agu Tomota Natuna, ta ma'etamo wada gitu'eyegu, be 'enega nate 'ena wada mwalatonigu yaita 'abo'agu, be 'enega wada mwalatoni 'aene taugu nigeya 'igu nuwena 'enega yada guinuwa, ta esi to'ase nadigega Tamagu 'ie'itegu 'ediyega yaonaona.

Yoni 10:25

Ga Yesu 'ediya 'igwae, “Ni'atu 'emiya yasimana ta esi nigeya waemiemisegu. Ta wate guinuwa nidi Tamagu 'ana esanega yaguinuwediya 'ediyega ni'atu sie'itaegu,