Yoni 8:39 - Loina Tabu Auwauna NT

³⁹ 'Enega taudi Yesu 'ina ona sie'isena, sigwae, “Ta 'abo'ama tamamai Ebelaamo.” Ta wate Yesu 'ieonedi, “'Eguma 'omi Ebelaamo natu 'ai'ailinao 'ina guinuwega wada guinuwa.

Yoni 8:39 Referans Kwoze

Galetia 3:7

be wada mwalatoni 'aene Yaubada 'ana toemisao taudi Ebelaamo natunao.

Loma 9:7

Ta ona'ai'aila, nigeya 'aene Ebelaamo 'ina susuyao maibo'ana Yaubada 'i'awa natunedi, manuna Yaubada ni'atu Ebelaamo 'ieonena, 'igwae, “'Imu susuyao Aisake natunao 'ediyega,” ta esi nigeya Aisake tasina 'enega.

Yoni 8:37

Ta Yesu wate 'ediya 'igwae, “Yamwalatonimi 'aene 'omi Ebelaamo 'ina susuyao, ta tuwa tuga watootoo be 'aene wada loemwawasigu, manuna nigeya 'igu e'ita 'atemiya wasa'usa'udi.

Madiu 5:45

Gete 'enega tamada galewaya 'ida 'awanatunemi, manuna tauna oboboma 'alena, be tauna 'ina sinala 'isaesae toto'umalidi be wate tobobo'adi 'ediya, ta wate 'ina 'usana 'itagwatagwale topalupaludi be wate taudi nigeya topalupaludi 'ediya.

Madiu 3:9

Ta geya'abo wanuwanuwa laga manuna 'aene 'omi Ebelaamo tubunao, 'enega Yaubada 'ida 'atenuwa 'ole'oleyemi. Nigeya sa'i! Ta wa'ita Yaubada sawesawenaya be gulewa getedi 'ediyega Ebelaamo tubunao 'imweluluidi.

Galetia 3:29

be maibo'ada Ebelaamo 'ina susuyao, manuna maibo'ada Keliso 'ina bodao, 'enega Yaubada 'ina onaupaupa Ebelaamo 'enaya ta'ewena.

Loma 4:16

Gete 'enega tada mwalatoni 'aene emisa namo 'enega onaupaupa bobo'ana taloba, nate Yaubada 'ina oboboma tuga, ta nigeya 'ida guinuwa 'ana e'isa 'enega. Ta onaupaupa nina Ebelaamo tubunao maibo'ada ni'atu talobena, ta nigeya 'aene loina 'adi toematamatanao dimo, ta esi taudi 'idi emisa nadigega Ebelaamo 'ina emisa leleleya talobaloba, manuna Ebelaamo nina tauna tuga nadigega maibo'ada tamada.

Loma 4:12

Ta 'abo'ada wate Ebelaamo tamadai, 'abo lodaba ta'ewena, be nigeya 'aene lodaba tuga manuna, ta 'ida emisa esiya, nadigega tuga lowa Ebelaamo 'ina emisa 'enega, tuta nina nigeya lodaba 'i'ewa'ewa.

Yoni 8:33

Ga taudi Yesu sieonena ga sigwae, “'Abo'ama Ebelaamo 'ina susu, 'enega nigeya 'ebweu yaita 'ina loinega 'iyoniyonima. To'ase 'imu ona 'ana mwalatoi tuta nina 'ugwae, ‘Li'ama wada loba’?”

Yoni 8:43

To'ase manuna 'igu ona 'emiya nigeya wada nuwasabwalenidi? Nate manuna nigeya 'igu simana wada enono 'ai'ailina.

Yoni 8:56

Ta tamamiya Ebelaamo ma ina gwausowala be 'aene 'igu tuta 'ida 'ita, ga ni'atu 'i'itena 'enega 'igwausowala sinabwana.”