Yoni 8:32 - Loina Tabu Auwauna NT

³² 'Enega 'omi mwalatoi 'ai'aila wada mwalatoni, be gete 'enega li'ama wada loba.”

Yoni 8:32 Referans Kwoze

Loma 8:2

Yesu Keliso ma'edai, 'enega Yaubada yaluyaluwanega to'umalina be mwawasa 'idi loina 'ediyega 'ili'amida, ga yawasi auwauna talobena.

Yoni 8:36

Nadigega tuga 'eguma natunana 'ili'amimi, 'omi ni'atu li'ali'ama 'ai'ailimi.”

Yoni 17:17

Ta yasida 'emuya be 'imu ona 'ai'ailega 'uda giebobo'anedi be 'imu bodao 'esasedi.

1 Pita 2:16

Ta 'omi esi ni'atu Yaubada 'ili'amimi be 'aene taumimo wada loinemi, ta esi geya'abo guinuwa to'umalidi 'ediya watautauya, ta wada guinuwa tuga nadigega Yaubada 'ina toguinuwao.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Loma 6:22

Ta gete tuga to'umalina nina 'ina loina 'enega ni'atu wagumwala, ga 'omi batuwa Yaubada 'ina toguinuwao, be 'enega e'isa bobo'ana waloba, nate bubuna bobo'ana be wate yawasi ataya.

Yemesa 1:25

Ta Yaubada 'ina loina palupaluna ga 'enega 'ida to'umalinao 'ediyega 'ili'amida. Ta 'abo yaita loina nina manuna 'inuwanuwa ta 'iguiguinuwa, ta nigeya 'ida nuwapupulaya, tauna tai nina 'ina guinuwa maibo'ana gwausowala daisinamo.

Galetia 5:1

Miya bobo'ana manuna Keliso 'ili'amida 'ada yonao 'ediyega, 'enega wada toolopa'ala be geya'abo watagwatagwala limanemi Mosese 'ina loina yoniyonina 'enaya.

Yemesa 2:12

'Enega 'imi ona be 'imi guinuwa wada 'ita'i'isidi, manuna Yaubada ma'etamo 'ida esinuweda 'ina loinega, ta 'ina loina nina nate tomota 'ada 'etoli'ama manuna.

Galetia 5:13

Gosegwao, Yaubada ni'atu 'iesinuwemi ga li'ali'amimi, ta geya'abo wanuwena 'aene nigeya 'ami loinamo be bubuna bale'u wamulimuliyedi, ta esi oboboma 'ina loinega wada tauya be taumimo wada elemalema limanemi.

Yoni 7:17

Ta 'omi wate 'abo nuwanuwami be Yaubada 'ina nuwena wada guinuwe, 'omi 'igu e'ita wada mwalatoni 'aene Yaubada 'enega, ta nigeya taugu 'igu nuwanuwa 'enega.

Loma 8:15

'Enega Yaubada nigeya tamatamataute, manuna ni'atu 'i'awa natuneda ga 'abo'ada nigeya nadigega 'ina topaisewao tuga, ta esi 'abo'ada ma ida 'atepatu ta'awatamane, tagwae, “Aba! Tamagu!”

Yoni 16:13

Ta ma'etamo Yaluyaluwa 'esa'esasena 'imamai, tauna 'ida anuganemi yage palupaludi maibo'adi 'ediya. Ta tauna geya'abo 'ina nuwenuwega 'ionaona, ta esi to'ase nadigega 'inonodi 'ida onaedi, ta wate 'ida eonami yage matamiya manudi.

2 Timoti 3:7

'enega e'ita dumadumadi be dumadumadi 'ana tononoyao, ta 'enega nigeya sawesawediya be e'ita 'ai'aila simwalatoni.

Yoni 6:45

Ona gete ni'atu lowa palopita si'etoladina Buki Tabu 'ena, sigwae, ‘Tomota yauyaudi Yaubada 'enega 'adi e'ita sida loba,’ be 'enega yaisigedi taudi Tamagu 'ina e'ita sinono be sisinapui, taudi 'eguya simama.

Madiu 11:29

Ta 'omi wada etotowanegu be ma'egwao tada paisewa, be 'enega yaluyaluwami 'idi eyawai'ata sida loba, manuna 'abo'agu 'igu bubuna menuna ta tonuwamwa'uta.

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:17

Mosese 'ina 'ebwaya bobo'ana, nate loina nidi Buki Tabu 'ena, ta esi Yesu Keliso 'ina 'ebwaya bobo'ana wawasae, manuna oboboma be bubuna bobo'ana 'i'ebwa'eda.

1 Kolinita 7:22

Ona'ai'aila, topaisewao bale'uya 'abo Keliso 'ena siemisa, Yaubada sawesawenaya 'idi to'umalinao 'ediyega 'ili'amidi, ta wate tai sinabwadi 'abo Keliso 'ena siemisa, sida eto'ali'ei tauna manuna.

2 Yoni 1:1

'Abo'agu 'imi 'ena'i, ta 'oyo waine Yaubada 'iesinuwemu manatumwao 'emiya leta gete ya'etoladinawa. Ona'ai'aila, yaobobomemi sinabwana. Nadigega wate taudi 'eda 'ai'aila 'ana tomuliyao siobobomemi,