Yoni 8:25 - Loina Tabu Auwauna NT

²⁵ 'Enega sienaidena, “Ta yaita 'oyo?” Ta wate 'ieonedi, 'igwae, “Nadigega tuga lowa yasimanena 'emiya.”

Yoni 8:25 Referans Kwoze

Yoni 8:12

Ta Yesu 'ediya 'iona limana, 'igwae, “'Abo'agu me bale'u 'idi maedana, be 'enega yaita tauna 'imuliyegu maedana nina yawasina 'ena 'ida sae, ta geya'abo wate guguyoi 'ena 'itautauya.”

Luke 22:67

ta sienaidena, sigwae, “'Usimana palupalu 'emaya mwa'adega 'oyo To'etoseyana niyo, nai nigeya?” 'Enega Yesu 'ieonedi, 'igwae, “Nigeya waemiemisegu, 'enega geya'abo yasimasimana 'emiya,

Yoni 19:9

'Enega Yesu 'i'au'ewa limena 'ina anuwaya ga 'ienaidena, 'igwae, “'Oyo mane 'enega 'umai?” Ta Yesu nigeya 'ie'ie'isa.

Yoni 1:22

'Enega taudi wate sigwae, “Ta sana yaita 'oyo? To'ase 'imu ona manuyo, be 'enega 'ada ila be 'ama toetuneyao 'ada emataluwedi?”

Yoni 10:24

Ga gote 'ena me Yudia nidi Yesu siasakowasiyena ga sieonena, sigwae, “'Oyo tuta yauna 'ugiegie nuwanaluwema, ta to tuta 'ena be 'enega 'emaya 'uda simana 'ai'aila 'aene 'oyo To'etoseyana nina?”

Yoni 1:19

Tuta gote 'enaya me Yudia 'idi toanuganao Yelusalema 'enaya simiyami, ga 'aidi totaliyao be 'aidi Libai 'ina bodao sietunedi Yoni 'enaya sabi enaidena 'aene tauna yaita.

Yoni 8:24

'Enega yaeonami 'aene 'imi bubuna to'umalidi 'ediyega wada mwawasa, 'abo nigeya waemiemisegu. Nate 'alena 'enega yaeonami 'aene wamwamwawasa ma imi bubuna to'umalina.

Yoni 8:26

Ta wate 'ieonedi, “Yage yau wawasae manumi yada ona be yada loinemi, ta esi tauna 'ietuneguma 'ina bubuna palupaluna, 'enega to'ase nadigega yanonona 'enega gete me bale'u 'emiya yasimasimanedi.”