Yoni 7:19 - Loina Tabu Auwauna NT

¹⁹ 'Omi esi Mosese 'ami loina nina 'i'ebwa'emi ta nigeya 'ebweu yaita 'emiyega 'imulimuliya 'ai'aili. 'Enega to'ase manuna 'aene wada loemwawasa daidaisigu?”

Yoni 7:19 Referans Kwoze

Yoni 1:17

Mosese 'ina 'ebwaya bobo'ana, nate loina nidi Buki Tabu 'ena, ta esi Yesu Keliso 'ina 'ebwaya bobo'ana wawasae, manuna oboboma be bubuna bobo'ana 'i'ebwa'eda.

Yoni 11:53

'Enega 'asiyata nina gote 'ena taudi toloinao nidi siloina leleleya be 'aene sida loemwawasi.

Yoni 7:1

Ta yage nidi ni'atu sigumwala ga Yesu Galili maibo'ana 'ena 'isakowasi. Ta esi geya nuwana be Yudia senanaya 'ida sakowasi, manuna me Yudia 'idi 'inapwanao nuwanuwadi be 'aene sida loemwawasi.

Madiu 12:14

'Enega Palisiyao ma idi gamwasowala siapwesa ga taudimo siloina mwa'adega Yesu sida loemwawasa'ese.

Galetia 6:13

Ta wada nuwa'i'isi 'aene lodaba nina 'ana to'ewao 'ilobwenedi be Mosese 'ina loinao maibo'adi sida muliyedi, ta esi nigeya sida muliyedi. Nate namo nuwanuwadi be walodaba, be gete 'idi 'ebe gagasa 'imi lugu 'adi boda solanaya manuna.

Galetia 3:19

Ta to'ase manuna loina 'iapwesa? Loina nina 'igieapwesena 'edaya 'ida loegesiyao manudi be 'edaya 'imiyami 'ana laba Ebelaamo 'ina susu nina Yaubada 'iona upaupaenaya 'iapwesama. Ta loina nina aniloseyao 'ediyega Yaubada Mosese 'i'ebwa'ena, ta Mosese 'i'ebwa'ena tomota 'ediya.

Guinuwa 7:38

“Ta wate Mosese nina mitawaya tubudao maibo'adi ma'enao 'oya Sainai 'ena simiyamiya, ta anilose Mosese loina bobo'ana yawasida manuna 'i'ebwa'ena.

Yoni 10:39

Gote 'ena me Yudia nidi wate sitoona be 'aene sigiyai, ta esi 'ipili sinedi.

Yoni 7:25

Ga gote 'ena 'aidi me Yelusalema sigwae, “Nai tai gete tauna nuwanuwadi be 'aene sida loemwawasi, aga?

Yoni 5:45

“Geya'abo wanuwena 'aene 'abo'agu yada e'ewami Tamagu 'enaya, ta esi 'ebweu tai ma'etamo 'ida e'ewami, tauna wanuwena 'aene 'etamo 'ida lememi, 'ana esana Mosese.

Yoni 5:18

Ta me Yudia nidi 'ina ona sinonona, ga sitoo waiwai be mwa'adega sida loemwawasa'ese. Manuna 'alena Sabate 'ana loina 'ile'oena ta wate 'iona 'aene Yaubada tauna tama 'ai'ailina, be 'aene Yaubada ma'iyana sieleleleya.

Yoni 5:16

Gete 'alena 'enega me Yudia nidi Yesu sietalauwalena manuna paisewa nina 'asiyata Sabate 'ena 'iguinuwena.

Maki 3:6

'Enega Palisiyao ma idi gamwasowala siapwesa ga Elodi 'ina bodao ma'ediyao siloiloina be mwa'adega Yesu sida loemwawasa'ese.

Maki 3:4

Ga Yesu 'inapwanao 'ieonedi, 'igwae, “Gete 'igu enaida 'emiya: To guinuwa bobo'ana 'edaya? Sabate 'ena talelema nai tagie'elouya? Ta'etoseyana nai taloemwawasa?” Ga 'ina ona nigeya sie'ie'isa.

Madiu 21:38

“Ta natunana 'iapwesa 'ediya ga to'ita'i'itao nidi taudimo 'ediya sigwae, ‘Gosemao, tai gote 'imeema, tauna 'inapwana nina natuna 'ebweuna namo tuga, 'enega batuwa nina taloemwawasi be 'abo'ada bagula taloine.’

Maki 11:18

Ta totaliyao sinabwadi be loina 'ana toe'itao Yesu 'ina guinuwa gete tetelina sinonona, 'enega sigamwasowalena ga sinuwa edaedadama be sida loemwawasi, ta nigeya sawesawediya, manuna simatautena, ta wate Yesu 'ina e'itao tomota yauyaudi nuwadi 'i'ewena.