Yoni 6:7 - Loina Tabu Auwauna NT

⁷ 'Enega Pilipi Yesu 'ieonena, 'igwae, “Boda gete sinabwa wawasae, ta 'eguma tu analedi kina 'enega beledi tagimwanedi be 'ediya taeguyaiye, nai nigeya sawesawenaya be maibo'adi sida lotoo.”

Yoni 6:7 Referans Kwoze

Maki 6:37

Ta Yesu 'ieonedi, 'igwae, “Ta mwa'adega? 'Omi geya'abo wae'enidi, aga?” Ta 'ina tononoyao sigwae, “'Inapwana, nigeya sawesawemaya, manuna maibo'adi 'adi masula 'ana maisa nai tu analedi kina nadigega.”

Yoni 12:5

ga 'igwae, “To'ase 'alena ga 'enega bunama gote nigeya 'iegimwaneye be 'ana maisa nadigega 'etoi analedi kina 'ida 'ewa be gomabeso 'ediya tada eguyaiye?”

Madiu 18:28

“'Iapwesa ga gosiyana 'ebweuna 'ilobena, ta gosiyanana 'ina lowaga toea analedi namo, ga gosiyana 'otonaya 'igiyaina ga 'ididigena, 'igwae, ‘Gete tuga 'imu lowaga 'eguya 'uyotuli!’

Yoni 1:43

Ga mali 'asiyataya Yesu nuwanuwana be 'itatauya Galili, 'enega 'itauya ga nada Pilipi 'ilobena, ga 'ieonena, 'igwae, “'Uda muliyegu.”

Yoni 1:44

Pilipi 'ina 'asa Beteseida, nate Anidulu be Pita 'idi 'asa.

Yoni 1:45

'Enega Pilipi Nataniela 'ilobena, ga 'ieonena, “Ni'atu tai nina 'alobena, tauna lowa Mosese 'ina loinao 'ediya ta wate palopitao 'idi 'etoladiyao 'ediya sisimanena, tauna goma Nasaleta, ta Yosepa natuna, 'ana esana Yesu.”

Yoni 1:46

Ga Nataniela Pilipi 'ena 'igwae, “Nasaleta nigeya 'ebweu to'ase bobo'ana 'enega 'ida apwesa.” Ga Pilipi 'igwae, “Tuwa tuga, 'uda mai be tai nina 'uda 'ita.” 'Enega Yesu 'ena simai.

Yoni 1:48

Ta Nataniela Yesu 'ienaidena, 'igwae, “Mwa'adega ga 'enega 'umwalatonigu?” Ga Yesu 'igwae, “Muliyega be Pilipi 'ibwauyeyo, ta 'abo'agu yagimi 'itemu damaya 'agalaunaya 'umiyami.”