Yoni 6:51 - Loina Tabu Auwauna NT

⁵¹ 'Abo'agu yawasimi 'ana masula galewega yamwa'utama, be 'abo yaita masula nina 'i'a'ani yawasina ataya 'ida 'ewa, ta masula nina ya'ebwa'emi bwalagu tuga, ta bwalagu yatagwalena me bale'u yauyaumi yawasimi manuna.”

Yoni 6:51 Referans Kwoze

Luke 22:19

'Enega beledi 'i'ewena ga manuna ilokagutoki Yaubada 'enaya ga muliyega 'igitomwena ga 'ediya 'ieguyai ta 'ieonedi, “Oogu gete,

Yoni 6:33

Ta masula nina, nate Yaubada 'enega, tauna ni'atu 'imai bale'uya be tomota yawasidi 'ida 'ebwa'edi.”

Yoni 3:13

Manuna nigeya 'ebweu yaita galewaya 'itu'etu'e. Nate namo 'abo'agu Tomota Natuna, manuna 'abo'agu galewega yagimi mwa'utama.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Ibeliu 10:20

gete 'eda auwauna yawasida manuna. Lowa Yaubada 'ina Sena Tabu kaleko 'enega sipitaupenaya, ta Yesu 'igigegena tauna oona 'ina mwawasa 'enega, be kapekapeyana talulugu Yaubada 'ena.

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

1 Pita 2:4

'enega wada mai 'Inapwana nina 'enaya, tauna 'ola mayawasina me bale'u sie'idi'idiyena, ta esi Yaubada nuwanuwana ga 'iesinuwena.

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

Yoni 1:29

Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.

1 Yoni 4:14

Ta 'abo'ama matamega Yaubada Natuna 'a'itena, ga manuna 'asimasimana 'aene Tamana bale'uya 'ietunenama 'aene 'ada To'etoseyana.

1 Yoni 4:10

Gete oboboma 'ai'aila, nigeya 'aene 'abo'ada Yaubada 'ana toobobomao, ta Yaubada esi 'ada tooboboma, ga Natuna 'itagwalena be 'italiyaena tauna 'ida loegesiyao manudi.

1 Yoni 2:2

be 'ida to'umalinao 'inuwataudi, manuna Yesu tauna 'italiyaena 'ida to'umalinao manudi, be wate me bale'u maibo'adi manudi.

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Epeso 5:25

Aiai nimi me'olotomi 'ilobwenemi be mwanemiyao waobobomedi, nadigega Keliso 'ina toekalesiyao 'iobobomeda, ga tauna 'itagwalena, ga manuda 'imwawasa,

2 Kolinita 5:19

Ona'ai'aila, Yaubada 'atuwa Keliso solanaya 'imiyami ga me bale'u 'i'au'eweda tauna 'enaya sabi egosigosiyana limana, ta 'ida loegesiyao 'inuwataudi be geya'abo 'ie'ie'isadi, 'enega egosigosiyana limana tetelina 'i'ebwa'eda, be tasimasimana tomota 'ediya.

Yoni 7:38

Ta nadigega tuga Buki Tabu 'isimanena 'agu toemisao manudi 'aene, ‘Atediyega 'atuwa bwasi 'idaudau tomota yawasidi manuna.’ ”

Yoni 3:14

Nadigega tuga lowaenei tuta nina sitautauya sena mwatui daitaya, ga Mosese mwata kainumu 'enega 'iguinuwenaya ta kaiwe 'ena 'igilagasina, 'abo'agu nadigega sida gilagasigu

Yoni 3:36

be 'enega 'abo yaita tauna 'iemisena yawasina ataya 'ida loba, ta 'abo yaita tauna 'iguitoyasena geya'abo wate yawasina ataya 'ilobaloba, ta esi Yaubada 'ina gamwasowala 'enaya geya'abo 'isawasawala.”

Yoni 5:24

“'Enega yasimana 'ai'aila 'emiya 'abo yaisigedi 'igu ona sinonodi be tauna 'ietuneguma siemisei yawasidi ataya sida loba, be geya'abo 'asiyata bwa'omatana 'ena silugulugu, manuna ni'atu mwawasa 'ina sena sipilisinena ga siabala yawasi auwauna 'enaya.

Yoni 6:35

Ta Yesu 'ieonedi, “'Abo'agu yawasimi 'ana masula be 'enega 'abo yaita 'imama 'eguya geya'abo 'ibotabotana, ta 'abo yaita 'iemisegu geya'abo sa'i tona'ana 'iyapayapasa.

Yoni 6:41

Gote 'ena me Yudia 'ina ona sinonona ga silomugiyena, manuna 'ina ona nina 'enaya 'igwae, “'Abo'agu masula nina galewega yamwa'utama.”

Yoni 6:47

“Yaona 'ai'aila 'emiya 'aene yaisigedi taudi siemisegu yawasidi ataya siloba.

Yoni 6:48

Manuna 'abo'agu yawasimi 'ana masula.

Yoni 6:50

ta masula gete esi galewega 'imwa'utama be 'enega 'abo yaita 'i'a'ani, geya'abo sa'i 'imwawamwawasa.

Yoni 11:26

Ta 'eguma yaisigedi taudi mayawasidi siemisegu, geya'abo sa'i simwawamwawasa. Ta 'oyo mwa'adega? 'Igu ona gete manuna 'uemiseguya nai nigeya?”