Yoni 6:5 - Loina Tabu Auwauna NT

⁵ Ga Yesu 'i'ita sakowasi ga boda sinabwana simeema 'i'itedi. Ga Yesu Pilipi 'ieonena, 'igwae, “Pilipi, mane 'enega masula sawesawenaya tagimwane be tomota gete tada e'enidi?”

Yoni 6:5 Referans Kwoze

Madiu 15:33

Ta 'ina tononoyao sieonena, sigwae, “Sena getei mwatui daita, ta mwa'adega pwalu sinabwana getei 'adi masula taloba'ese?”

Yoni 4:35

Ta wate 'ediya 'igwae, “'Imi ona 'ebweu 'imiyami 'aene ‘Nawalae ata mulidiya sesoi 'ana tuta,’ ta yaona 'ai'aila 'emiya wada 'itasakowasi be bagula 'ana 'ita wada 'ita 'aene ni'atu masula 'imatuwa, ga 'ilobwenena be tuta sesoi.

Yoni 1:43

Ga mali 'asiyataya Yesu nuwanuwana be 'itatauya Galili, 'enega 'itauya ga nada Pilipi 'ilobena, ga 'ieonena, 'igwae, “'Uda muliyegu.”

Maki 6:32

'Enega taudimo waga sigeluna ga sitauya 'ebweu sena mwatui daitaya.

Luke 9:10

Ta ni'atu Yesu 'ina toguinuwao nidi 'idi sakowasiyega siilama ga 'idi guinuwa maibo'ana siemwasalina Yesu 'enaya. Ga muliyega 'idi 'inapwana nina 'i'au'ewedi ga ma'enao sitauya 'ebweu 'asa, 'ana esana Beteseida 'enaya, be 'aene taudimo nada sida miyami.

Yoni 1:44

Pilipi 'ina 'asa Beteseida, nate Anidulu be Pita 'idi 'asa.

Yoni 1:45

'Enega Pilipi Nataniela 'ilobena, ga 'ieonena, “Ni'atu tai nina 'alobena, tauna lowa Mosese 'ina loinao 'ediya ta wate palopitao 'idi 'etoladiyao 'ediya sisimanena, tauna goma Nasaleta, ta Yosepa natuna, 'ana esana Yesu.”

Yoni 1:46

Ga Nataniela Pilipi 'ena 'igwae, “Nasaleta nigeya 'ebweu to'ase bobo'ana 'enega 'ida apwesa.” Ga Pilipi 'igwae, “Tuwa tuga, 'uda mai be tai nina 'uda 'ita.” 'Enega Yesu 'ena simai.

Yoni 1:48

Ta Nataniela Yesu 'ienaidena, 'igwae, “Mwa'adega ga 'enega 'umwalatonigu?” Ga Yesu 'igwae, “Muliyega be Pilipi 'ibwauyeyo, ta 'abo'agu yagimi 'itemu damaya 'agalaunaya 'umiyami.”