Yoni 6:27 - Loina Tabu Auwauna NT

²⁷ 'Omi geya'abo masula gumwagumwalina manuna waguiguinuwa ta esi masula tauna yawasimi ataya manuna. 'Abo'agu Tomota Natuna be masula gete yada 'ebwa'emi, manuna Yaubada Tamagu tauna 'iesinuweguya 'ina guinuwa gete manuna.”

Yoni 6:27 Referans Kwoze

Kolose 3:2

Wate 'imi nuwanuwao wada sa'udi yage galewa 'ediya ta geya'abo yage bale'u 'ediya,

Yoni 6:54

Ta 'abo yaita bwalagu 'i'a'ani be lalagu 'inumai yawasina ataya 'i'ewa, be tuta 'ana 'ebe losalowa 'ena mwawasega yada gietoolo lima.

2 Timoti 2:19

Ta esi Yaubada 'ina ona 'ana 'autui pa'alina 'enaya lowa si'etoladina 'igwae: “'Inapwana 'ina tomotaiyao 'imwalatonidi,” ta wate 'igwae, “Taudi 'Inapwana 'ena ni'atu sitagwalediya, 'ilobwenedi be 'idi bubuna to'umalidi siguitoyasedi.”

Yoni 6:40

Ta gete Tamagu 'ina nuwena nadigega 'aene 'eguma yaisigedi taudi 'abo'agu natunana si'itagu, be wate siemisegu, yawasidi ataya siloba, ta tuta 'ana 'ebe losalowa 'enaya 'abo'agu mwawasega yada gietoolodi.”

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

Yoni 10:28

ta yawasidi ataya ya'ebwa'edi be 'enega geya'abo sito'uto'umali, ta wate geya'abo 'ebweu yaita nimaguyega 'i'oae'oaegu.

Yoni 6:51

'Abo'agu yawasimi 'ana masula galewega yamwa'utama, be 'abo yaita masula nina 'i'a'ani yawasina ataya 'ida 'ewa, ta masula nina ya'ebwa'emi bwalagu tuga, ta bwalagu yatagwalena me bale'u yauyaumi yawasimi manuna.”

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Yoni 17:2

Manuna 'oyo loina 'u'ebwa'egu tomota maibo'adi manudi, be 'enega 'abo'agu yawasi ataya yada 'ebwaya taudi maibo'adi 'u'ebwa'eguya 'ediya.

Madiu 6:19

Geya'abo 'imi esaesa bale'uya waegoegogonedi, manuna manumanuwa be mwaulu esaesa bale'uya sigie to'umaliyedi ta wate to'ipwala silugulugu 'imi anuwa 'ediya sabi 'ipwalidi,

Yoni 6:58

Masula gete galewega 'imai ta nigeya nadigega masula nina tubumiyao si'enina, manuna masula nina lowa si'enina ta nigeya yawasidi bobo'ana silobaloba, ta tuga simwawasa. 'Enega masula gete 'abo yaita 'i'a'ani yawasina ataya 'ida 'ewa.”

2 Pita 1:17

Ta tuta nina lowa ma'emai 'oyaya 'amiyami Yaubada 'enana galewega 'anonona 'igwae, “Gete Natu'ai'ailigu, tauna manuna yagwausowala sinabwana.” Ta 'enana nina Tamana 'ina sena 'esasena galewega 'imai, ga 'oya nina debanaya Yaubada tupu ta esaesa maemaedanina Natuna 'i'ebwa'ena.

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

1 Pita 1:24

Nadigega tuga Buki Tabu 'ina simana 'igwae, “Tomota maibo'adi 'atuwa pwatula, ta 'idi esaesao 'atuwa pwatula nidi senidiyao. Manuna pwatula nidi 'iabe simwamwawasa, 'enega senidiyao wate si'oapelu.

Luke 3:22

ta Yaluyaluwa Tabuna, maoona 'ana 'ita nadigega bunebune, 'imwa'uta Yesu 'enaya. 'Enega 'ebweu 'enana galewega 'ionama, 'igwae, “'Oyo natu'ai'ailigu, manuyo yagwausowala sinabwana.”

1 Tesalonaika 1:3

manuna 'imi emisa be 'imi guinuwa bobo'adi 'anuwa'i'isidi, ta wate 'imi guinuwao oboboma 'enega, be 'imi e'alama'i'ita ma imi emisa be 'aene 'ida 'Inapwana Yesu Keliso 'ida 'etoseyemi.

Kolose 1:29

Gete manuna 'abo'agu yaetaetapewa, ta yaewaiwai, tauna 'ina waiwai 'ateguya 'i'ebwa'eguya 'enega.

Yoni 3:33

Ta 'abo yaisigedi 'ina simana nina siemisena, gote 'ena si'awa 'ai'aila 'aene Yaubada tauna topalupaluna.

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Yoni 6:68

'Enega Saimoni Pita Yesu 'ieonena, 'igwae, “'Inapwana, yaita 'ena 'atatauya? Manuna 'oyo tebweuyo yawasima ataya 'ana ona 'emuya 'imiyami.

Luke 9:35

Ta pwana 'enega 'ebweu 'enana sinonona, 'igwae, “Gete Natugu bobo'ai'ailina, 'ina onao wada nonodi.”

Ibeliu 12:16

Geya'abo waloeloelata, ta wate geya'abo Yaubada 'ina oboboma waguiguitoyase, nadigega Iso lowa Yaubada 'ina onaupaupa tauna manuna ta 'ipelena tasina 'enaya, 'ana maisa 'e'ai 'ebweuna namo.

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Ibeliu 4:11

Ta 'ilobweneda be tatoo waiwai be 'ebe eyawai'ata nina taloba, ta geya'abo 'ebweu yaita 'ilooguitoyasa, 'abona nai 'ibebe'u, nadigega taudi lowaenei sibe'u'esa.

Kolose 2:22

Ta yage getedi sawasawalidi be 'abo taepaisewadi sigugumwala.

1 Kolinita 9:2

'enega wamwalatonigu 'abo'agu Yesu 'ana tosimana 'ai'aila. Ta 'aina tomota silomugiyegu 'abo'agu nigeya Yesu 'ana tosimana. Ta nigeya! 'Omi wada nuwa'i'isi 'abo'agu 'igu loguguyega 'ida 'Inapwana 'enaya 'imi emisa wasa'una.

1 Kolinita 6:13

Wada nuwa'i'isi masula manuna. Ona'ai'aila, masula gamwada manuna, ta wate gamwada masula manuna, ta esi ma'etamo masula be gamwada Yaubada 'ida loesawalidi. Ta bwalada Yaubada 'i'ebwa'eda nigeya loelata manuna, ta tauna esiya manuna, be tauna 'abo'ada manuda,

Loma 4:11

Ta lodaba nina 'atuwa we'iwe'iyaya 'ebweu 'ie'iteda 'aene Ebelaamo 'ina emisega 'awapalupalu 'ilobena Yaubada 'enega, ga muliyega lodaba 'i'ewena. 'Enega taudi nigeya lodaba si'ewa'ewa ta esi siemisa, 'idi emisega Yaubada 'ida 'awapalupaluyedi, be taudi Ebelaamo natu'ai'ailinao.

Yoni 15:24

Ta 'abo lowa nigeya guinuwa nidi waiwaidi matadiya yaguiguinuwedi, geya'abo 'idi loegesi 'imiyami. Ta sa'i ni'atu yaguinuwedi guinuwa nidi, nate nigeya 'ebweu yaita sawesawenaya be 'iguinuwedi, ga si'itedi, ta tuwa tuga Tamagu be 'abo'agu siguitoyasema.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Yoni 11:42

Ni'atu yamwalatonimu 'aene tuta yauna 'igu sida 'unonodi, ta gete tugai yasidasidawa tomota getedi manudi, 'enega 'imu waiwai sida 'ita be sida emisa 'ai'aila 'aene 'oyo 'uetuneguma.”

Yoni 8:18

Nadigega tuga 'abo'agu taugu manugu yaonaona, ta wate Tamagu tauna 'ietuneguma manugu 'isimasimana.”

Maki 9:7

'Enega pwana wate 'imwa'uta ga 'itala ekabobodi, ta pwana 'enega 'ebweu 'enana sinonona, 'igwae, “Gete natugu bobo'ai'ailina, 'ina onao wada nonodi.”

Maki 1:11

'Enega 'ebweu 'enana galewega 'ionama 'igwae, “'Oyo natu'ai'ailigu, manuyo yagwausowala sinabwana.”

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Madiu 3:17

Ta sa'i 'ebweu 'enana galewega 'ionama 'igwae, “Nate natu'ai'ailigu. Tauna manuna yagwausowala sinabwana.”

Yemesa 1:11

Manuna 'abo sinala 'iaala 'ediya, 'etamo 'ina waiwaiyega senina nidi si'oapelu be sibebe'u, ta wate 'adi 'ita bobo'ana 'igugumwala. Nadigega tuga toesaesao ma'etamo sida paipaisewa ta 'idi mwawasa nigeya 'ida so'i.

2 Kolinita 4:18

Manuna 'ida 'ebe masi yage nidi nigeya ta'ita'itadi 'ediya. Ona'ai'aila, yage nidi ta'ita'itadi sawasawalidi tuga, ta esi yage nidi nigeya ta'ita'ita taudi yage miyamiya atayadi.

Madiu 8:20

Ta Yesu tai nina 'ieonena, 'igwae, “Kedewa mitawa ma idi gaula, ta wate manuwa ma idi newa, ta 'abo'agu Tomota Natuna nigeya 'igu 'ebe 'enomo.”

Madiu 25:46

'Enega taudi sida tauya 'elouya ataya 'enaya, ta topalupaludi esi yawasi ataya sida loba.”

Yoni 3:15

be 'enega yaisigedi 'eguya siemisa, yawasidi ataya sida loba.

Yoni 6:47

“Yaona 'ai'aila 'emiya 'aene yaisigedi taudi siemisegu yawasidi ataya siloba.

Yoni 6:53

'Enega Yesu 'ieonedi, 'igwae, “Yaona 'ai'aila 'emiya, 'abo'agu Tomota Natuna, ta 'eguma bwalagu geya'abo wae'ani ta wate 'eguma lalagu geya'abo wanumanumai, geya'abo sa'i yawasimi ataya wa'ewa'ewa.

Yoni 6:62

'Abo'agu Tomota Natuna ta mwa'adega 'eguma wa'itagu lowa sena nina 'enega yamaiya 'ena yatu'etu'e?