Yoni 5:10 - Loina Tabu Auwauna NT

¹⁰ Ta me Yudia 'adi toanuganao tai nina si'itena ga 'ena siona, sigwae, “To'ase manuna Sabate 'ana tuta ta 'imu sita 'u'aalena?”

Yoni 5:10 Referans Kwoze

Yoni 9:16

Ga 'aidi Palisiyao sigwae, “Tauna toguinuwa nina nigeya Yaubada 'enega, manuna Sabate 'ana loina nigeya 'ida muliyena.” Ta 'aidi wate sigwae, “Mwa'adega be toto'umalina we'iwe'iyaya gete nadigega 'ida guinuwa'ese? Nai nigeya sawesawenaya, aga?” Gote 'ena weyala 'iapwesa be 'aidi 'idi ona dumadumadi be dumadumadi.

Luke 6:2

Ta 'aidi Palisiyao si'itediya, ga sigwae, “Mwa'adega ga 'enega Sabate 'ana loina wale'oale'oa?”

Luke 13:14

Gote 'ena anuwa tapwalolo nina 'ana to'ita'i'ita Yesu 'ina guinuwa 'i'itena, ga 'igamwasowala manuna Sabateya le'oasa 'igie bobo'anena, 'enega tai nina 'ilolagata boda 'ediya 'isimana, 'igwae, “Ona'ai'aila, loina tamwalamwalatoni 'aene 'asiyata sikisi 'ediya 'ida guinuwao taguinuwedi. Gete nigeya 'ana 'ita bobo'ana be Sabateya tole'oasao simeema be 'adi le'oasao sabi giebobo'anedi.”

Maki 3:4

Ga Yesu 'inapwanao 'ieonedi, 'igwae, “Gete 'igu enaida 'emiya: To guinuwa bobo'ana 'edaya? Sabate 'ena talelema nai tagie'elouya? Ta'etoseyana nai taloemwawasa?” Ga 'ina ona nigeya sie'ie'isa.

Maki 2:24

Ta Palisiyao si'itediya ga Yesu sieonena, sigwae, “'Inapwana, mwa'adega ga 'enega 'imu tononoyao Sabate 'ana loina sile'oale'oa?”

Yoni 5:16

Gete 'alena 'enega me Yudia nidi Yesu sietalauwalena manuna paisewa nina 'asiyata Sabate 'ena 'iguinuwena.

Yoni 7:23

Ta 'abo guinuwa nina me'olotodi 'ediya waguiguinuwedi 'asiyata Sabate 'enaya, to'ase manuna ga waetalauwalegu tuta nina 'asiyata Sabate 'enaya tai yagie bobo'anena?

Luke 23:56

'Enega siila limana 'asaya ga bunama bobo'ana sigibubuna Yesu bwalana 'ana eolowa manuna, ga 'asiyata mulinaya sieyawai'ata, manuna Sabate 'ina loina.

Madiu 12:10

Ga nada 'ebweu tai manima meyomeyona 'ilobena. 'Enega Palisiyao Yesu 'ena sienaida, sigwae, “'Inapwana, mwa'adega, kapekapeyana be Sabate 'enaya tole'oasa tagie bobo'anedi?” Ta 'idi enaida gete 'alena be 'aene Yesu 'eguma 'ionagesi, ma'etamo 'enega sida e'ewa toloina matanaya.

Yoni 1:19

Tuta gote 'enaya me Yudia 'idi toanuganao Yelusalema 'enaya simiyami, ga 'aidi totaliyao be 'aidi Libai 'ina bodao sietunedi Yoni 'enaya sabi enaidena 'aene tauna yaita.

Yoni 5:11

Ta 'idi ona 'ie'isena ga 'igwae, “Tai nina 'igie bobo'aneguya 'ieonegu, ‘'Imu sita 'u'ewa be 'utatauya.’ ”

Yoni 5:15

Ta tai nina 'itauya ga me Yudia nidi 'ediya 'isimana apwesa 'aene 'ana togiebobo'ana tauna Yesu.