Yoni 4:44 - Loina Tabu Auwauna NT

⁴⁴ Ga gote 'ena Yesu tauna 'ina ona gete nadigega 'igwae, “Palopita nigeya 'ebweu wate 'adi 'amayabamo 'eguma taudi 'idi sena 'ena siloguloguguya.”

Yoni 4:44 Referans Kwoze

Luke 4:24

Ta yaeona 'ai'ailimi 'aene nigeya 'ebweu palopita 'ina bodao 'ediyega 'ana 'amayaba 'ida lobena.

Madiu 13:57

'Enega siguitoyasena. Ta Yesu 'ieonedi, 'igwae, “Palopitao 'adi 'amayaba silobaloba mali 'asa 'ediya. Ta taudi 'idi 'asaya nai 'idi anuwaya nigeya 'adi 'amayabamo.”

Maki 6:4

Ta Yesu 'ieonedi, 'igwae, “Palopitao 'adi 'amayaba silobaloba mali 'asa 'ediya. Ta taudi 'idi 'asaya esiya nigeya 'adi 'amayabamo, manuna taudi 'idi bu'unao be 'idi susuyao siguitoyasedi.”