Yoni 4:34 - Loina Tabu Auwauna NT

³⁴ Ta Yesu 'iona limana ga 'ediya 'igwae, “'Agu masula nate 'agu Toetune nina 'ina nuwanuwa sabi guinuwedi, be 'ina paisewa sabi losalonina.”

Yoni 4:34 Referans Kwoze

Yoni 6:38

Manuna 'abo'agu galewega yamai nigeya 'igu nuwena taugu sabi guinuwena, ta esi tauna 'ietuneguma 'ina nuwena.

Yoni 5:30

“'Abo'agu nigeya sawesaweguya be taugumo guinuwa yaguinuwedi, manuna 'igu loina Yaubada tauna 'ie'itegu, 'enega 'igu loina palupaluna, manuna 'abo'agu nigeya yatootoo be 'igu nuwena taugu yaguinuwei, ta esi to'ase nadigega tauna 'ietuneguma 'ina nuwena yaguinuwei.

Yoni 17:4

“Bale'u gete 'ena 'amu esana ni'atu yagitu'eyena, manuna 'igu guinuwa nidi 'u'ebwa'eguya ni'atu yalosalonidi.

Yoni 19:30

Ta muliyega Yesu 'igwae, “Ni'atu.” 'Enega 'otona 'i'eno'una, ga yawasina 'igumwala.

Madiu 26:39

Ta Yesu 'ialaga tupwana ga bale'uya 'ibe'u sanamwa'uta ta 'isidasida, 'igwae, “Tamagu ye, 'eguma kapekapeyana 'elouya keigana gete 'eguyega 'u'ewayaulei, ta geya'abo 'abo'agu 'igu nuwena 'enega, ta 'oyo esi 'imu nuwena 'enega 'uda guinuwa.”

Yoni 5:36

“Yoni 'ina simana manugu nigeya yage sinabwana, ta esi 'ebweu yage sinabwana 'imiyami, nate 'ebe'ita getedi Tamagu 'enega yaguiguinuwedi. 'Eguma guinuwa nidi manudi wanuwa edaedadama wada nuwasabwaleni 'aene Tamagu tauna 'ietuneguma.

Yoni 4:32

Ga 'idi ona 'ie'isena, 'igwae, “'Agu masula 'omi nigeya wamwalamwalatoni.”

Luke 19:10

Ona'ai'aila 'abo'agu Tomota Natuna, ta yamai be kwanikwanidi yada 'ebesedi be ya'etoseyedi, nadigega tai gete.”

Ibeliu 12:2

Ta wate Yesu 'enaya tada sanalaga ataya, manuna Yesu nina 'ida emisa 'ana 'ebe e'ale ta 'ana 'ebe losalowa. Tuta nina Yesu bale'uya 'imiyami 'imwalatonina 'aene ma'etamo 'ebe gwausowala sinabwana 'ilobai, 'enega kelose 'ina 'elouya 'i'alama'i'itanena, omayamaya wate nigeya manuna 'inuwanuwa, ga 'ebe losalowa 'enaya 'itu'e galewaya ga Yaubada 'atainega 'imiyatowa.

Luke 15:10

Nadigega wate 'abo 'ebweu toto'umalina 'inuwa'ebuni, 'iabe Yaubada 'ina aniloseyao manuna sigwausowala sinabwana.”

Guinuwa 20:35

'Igu bubuna getedi 'ediyega yae'itemi 'aene 'ilobweneda be tauda 'ida paisewega tonenetao tada lemedi. Nadigega wate 'Inapwana Yesu 'ina ona wanuwayaina, nate 'igwae, ‘'Ewadaita nigeya gwausowalinamo, ta 'ebwaya esiya 'ana gwausowala sinabwa wawasae.’ ”

Yoni 6:33

Ta masula nina, nate Yaubada 'enega, tauna ni'atu 'imai bale'uya be tomota yawasidi 'ida 'ebwa'edi.”

Madiu 3:15

Ta Yesu Yoni 'ina ona 'ie'isena, 'igwae, “Nigeya. Esi gete nadigega. 'Oyo 'uda giebapitaisoegu. Manuna gete 'enega loina maibo'adi bobo'adi tada muliyedi.”

Luke 2:49

'Enega Yesu 'igwae, “To'ase manuna wa'ebe'ebesegu? Nai nigeya wamwalamwalatoni 'aene 'abo'agu Tamagu 'ina anuwaya yamiyami?”

Yoni 8:29

Ta 'agu toetune nina nigeya 'ipilipili sinegu ta esi ma'iyagu tuga, manuna tuta yauna 'igu guinuwa 'enega yagiegie gwausowali.”

Yoni 19:28

Gete 'ena Yesu 'imwalatonina 'aene yage yauyaudi ni'atu 'ilosalonidi, 'enega 'igwae, “Tona'agu 'iyapasa”. Be ona gete 'enega Buki Tabu 'ina simana 'ida apwesa 'ai'aila.

Madiu 9:19

Ta Yesu 'itoolo ga ma ina tononoyao toloina nina simuliyena,