Yoni 2:16 - Loina Tabu Auwauna NT

¹⁶ ga 'enega toegimwane bunebune 'ieonedi, 'igwae, “'Imi manuwao maibo'adi gete 'enega wada 'ewa apwesedi, ta geya'abo Tamagu 'ina anuwa wagiegiebaili be 'aene 'imi 'ebe gimwane.”

Yoni 2:16 Referans Kwoze

Madiu 21:13

ta 'ieonedi, 'igwae, “Buki Tabu 'enaya Yaubada 'ina ona si'etoladina, 'igwae, ‘'Igu anuwa sida eese anuwa 'ebe sidasida,’ ta 'omi wagibunina ga 'aene 'imi 'ebe 'ipwala.”

Maki 11:17

Ga 'ie'itedi 'igwae, “Nai Buki Tabu 'ena Yaubada 'ina ona si'etoladina wamwalatonina, 'igwae, ‘'Igu anuwa sida eese anuwa 'ebe sidasida tomota maibo'adi manudi,’ ta 'omi wagibunina ga 'aene 'imi 'ebe 'ipwala.”

Luke 2:49

'Enega Yesu 'igwae, “To'ase manuna wa'ebe'ebesegu? Nai nigeya wamwalamwalatoni 'aene 'abo'agu Tamagu 'ina anuwaya yamiyami?”

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.

Yoni 5:17

Gote 'ena Yesu me Yudia nidi 'ieonedi, 'igwae, “Tamagu 'asiyata maibo'ana 'ediya 'ipaipaisewa, 'enega 'abo'agu wate nadigega.”

1 Timoti 6:5

'Enega gosediyao ma'ediyao siegewagewana, ta 'idi nuwanuwa geyogeyoi manuna e'ita 'ai'aila geya'abo simwalamwalatoni, ta esi sinuwena 'aene Yaubada 'ana 'amayaba 'enega esaesa bale'u sinabwana siloba.

Yoni 20:17

Ta Yesu wate 'ieonena, 'igwae, “Geya'abo 'ugitogitoogu, manuna 'etamo nigeya yatu'etu'e Tamagu 'ena. Ta 'utatauya be tasigwao 'ueonadi 'aene 'abo'agu 'iabe yatutu'e Tamagu 'enaya, 'omi wate Tamami, ta 'igu Yaubada ta wate 'omi 'imi Yaubada.”

Yoni 10:29

Taudi sipi nidi Tamagu 'i'ebwa'eguya 'enega geya'abo yaita sa'i Tamagu nimanega 'i'oae'oaena, manuna tauna yage yauyauna 'iloetana sinedi.

Yoni 8:49

'Enega Yesu 'inapwanao nidi 'ieonedi, 'igwae, “'Abo'agu nigeya 'ebweu yaluyaluwa bi'i 'eguya, manuna Tamagu ya'amayaba 'ai'ailina, ta 'omi esi nigeya wa'ama'amayabegu.

Madiu 21:12

'Enega Yesu Yaubada 'ina Anuwa Tabu 'ena 'ilugu ga togimwaneyao be toegimwaneyao maibo'adi 'ipa'i apwesedi, ta mani 'ana toesa'u gelasao 'idi tebeli 'i'aubuiyedi, ta bunebune 'adi toegimwaneyao 'idi 'ebemiya wate 'i'aubuiyedi,

Madiu 22:5

Ta taudi nigeya simeema, 'enega 'aidi sipili kwaiya ga mali sena be mali sena 'ediya sitauya. 'Ebweu tai 'ina bagulaya 'itauya, 'ebweu tai 'ina paisewa 'ena 'itauya,

Yoni 2:15

'Enega balae metametana 'i'ewena ga tomota be yobaiyao Anuwa Tabuyega 'ipa'idi, ta wate toesa'ugelasao 'idi tebeli 'i'aubuiyedi ga 'idi mani 'ilelewanedi,