Yoni 15:7 - Loina Tabu Auwauna NT

⁷ Ta 'abo 'eguya wamiyami ta wate 'abo 'igu ona 'emiya 'imiyami, 'enega 'abo to'ase nuwanuwami wada sida manudi be walobadi.

Yoni 15:7 Referans Kwoze

1 Yoni 5:14

be wate matanaya 'ada lotoona 'aene 'ida sidasida 'inonodi, be 'i'ebwa'eda to'ase be to'ase tasidasida manudi, 'abo tauna 'ina nuwena wate nadigega.

Yoni 14:13

Be to'ase nadigega nuwanuwami, be 'agu esanega wasisida, ya'ebwa'emi tuga, be gote 'enega Tamagu 'ana tupu 'ida loba 'igu guinuwa 'enega.

1 Yoni 3:22

be 'abo to'ase taside 'enaya 'ida 'ebwa'eda, manuna tauna 'ina loinao taematamatanedi, ta 'ida guinuwao manudi 'igwausowala.

Yoni 15:16

“Ta wada nuwa'i'isi 'aene 'omi nigeya waesiesinuwegu be yada e'inapwana 'emiya, ta esi 'abo'agu yaesinuwemi be yada etunemi be wada paisewa, ta 'imi paisewa nina 'enega uwami bobo'ana sida apwesa, ta uwami nidi sida miyaataya. Ta wate 'abo to'ase 'agu esanega wasidei, Tamagu 'ida 'ebwa'emi.

Madiu 7:7

Wada sidasida, be Yaubada 'ida 'ebwa'emi. Wate wada 'ebesa be 'enega wada loba. Ta wada 'aukeke be 'enega 'ali 'ida gigege.

Yoni 16:23

“Ta 'abo tuta nina 'imamai, 'omi geya'abo to'ase manuna waenaenaida 'eguya. Ta yaona 'ai'aila 'emiya, 'eguma 'agu esanega Tamagu 'ena to'ase manuna wasisida, 'ida 'ebwa'emi tuga.

Galetia 5:16

'Enega 'ilobwenemi be Yaluyaluwa Tabuna 'ianuganemi ta 'enega geya'abo yalakwaiyao siloiloinemi.

1 Yoni 2:27

Ta mwalatoi nina ni'atu wamwalatonina, manuna Yaubada Yaluyaluwana ni'atu 'i'ebwa'emi, ga ma'emi wamiyami, ta 'ie'itemi. 'Enega nigeya 'ebweu wate tai sawesawenaya be 'ie'itami, ta esi Yaubada 'ina 'ebwaya 'enega mwalatoi yauna wasinapuna, nate mwalatoi 'ai'aila manuna. Yaubada Yaluyaluwana nigeya sawesawenaya be 'ikaboeda. 'Enega 'ina e'itao wamuliyedi, be Keliso ma'emi wamiyami, ta geya'abo wapilipilisine.

1 Yoni 2:14

'Ena'iyao ye, ona gete ya'etoladinawa manuna 'omi tauna lowaenei ga batuwa 'imiyami ni'atu wamwalamwalatoni. Tubuwauyao ye, ona gete ya'etoladinawa, manuna 'omi toewaiwai sami ga Yaubada 'ina ona 'imiyami 'emiya, 'enega tauna toto'umalina sana ni'atu waewaiwai sinena.

Kolose 3:16

Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

Yoni 8:37

Ta Yesu wate 'ediya 'igwae, “Yamwalatonimi 'aene 'omi Ebelaamo 'ina susuyao, ta tuwa tuga watootoo be 'aene wada loemwawasigu, manuna nigeya 'igu e'ita 'atemiya wasa'usa'udi.

Galetia 4:2

be 'ina toe'itao 'enadi 'ida ematamatane nugana, be 'ana laba to tuta tamana 'itatagwala be natunana 'ietoloina.

Yoni 8:31

'Enega me Yudia nidi taudi Yesu siemisenaya, 'ieonedi, 'igwae, “'Eguma 'igu e'ita wamuliyedi, 'omi 'agu tomuliya 'ai'ailao.”