Yoni 14:6 - Loina Tabu Auwauna NT

⁶ Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Yoni 14:6 Referans Kwoze

Guinuwa 4:12

Ta nigeya 'ebweu yaita sawesawenaya be 'i'etoseyeda. Nate namo Yesu. Ta nigeya 'ebweu wate esana bale'uya 'imiyami be 'enega 'etoseyana tada loba.”

Yoni 10:9

'Enega wate 'ediya 'igwae, “'Abo'agu tuga 'awa nina, be 'abo yaita tauna 'eguyega 'iluguma 'ida bobo'ana, manuna tuta yauna 'iluguluguma be 'iapweapwesa ta pwatula bobo'ana 'ilobaloba.

Epeso 2:18

Ga tauna 'enega, 'omi be 'abo'ama Yaluyaluwa 'ebweuna 'enega 'i'au'eweda Tamada 'enaya.

Yoni 1:4

Tauna yawasi 'ai'aila, ta yawasi nina 'enega maedana 'ime'ena tomota yauyauda 'edaya.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:17

Mosese 'ina 'ebwaya bobo'ana, nate loina nidi Buki Tabu 'ena, ta esi Yesu Keliso 'ina 'ebwaya bobo'ana wawasae, manuna oboboma be bubuna bobo'ana 'i'ebwa'eda.

Ibeliu 7:25

Ta Yesu nina tuta maibo'ana sawesawenaya 'i'etoseyeda, 'eguma 'ana emisega talulugu Yaubada matanaya, manuna Yesu miyamiya atayana, ta tuta yauna manuda 'isidasida Yaubada 'ena.

Yoni 8:32

'Enega 'omi mwalatoi 'ai'aila wada mwalatoni, be gete 'enega li'ama wada loba.”

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

Yoni 5:21

Nadigega tuga Tamagu tomwawasa 'igietoolodi ga yawasidi 'i'ebwa'edi, 'abo'agu wate nadigega yawasi auwauna yada 'ebwaya tomota 'ediya, yaisigedi taudi yaesinuwedi.

2 Yoni 1:9

Ta 'eguma watauya gesi be Keliso 'ina e'ita wapilisine, 'omi Yaubada wamiyamiya sine, ta esi 'eguma Keliso 'ina e'itao wagiyai 'i'isidi, Tamadai be wate Natunana 'emiya simiyami.

E'ita'ita 20:15

Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.

Yoni 15:1

Yesu wate 'ediya 'igwae, “'Abo'agu 'awe uwauwa 'ai'aila, oine manuna, ta Tamagu tauna tobagula.

Madiu 11:27

Ta wate 'igwae, “Yage yauyauna ni'atu Tamagu nimaguya 'isa'udi, ta Tamaguna tebweuna 'imwalatonigu, ta 'abo'agu wate Tamagu tebweugu yamwalatonina, ta wate yaisigedi taudi 'abo nuwanuwagu be Tamagu yae'itae 'ediya, taudi wate sida mwalatoni.

Yoni 6:51

'Abo'agu yawasimi 'ana masula galewega yamwa'utama, be 'abo yaita masula nina 'i'a'ani yawasina ataya 'ida 'ewa, ta masula nina ya'ebwa'emi bwalagu tuga, ta bwalagu yatagwalena me bale'u yauyaumi yawasimi manuna.”

E'ita'ita 22:17

'Enega Yaluyaluwa Tabuna ta toai mewainena sigwae, “Wamai.” Be yaisigedi 'omi ona gete wanononaya, 'omi wate wada gwae, “Wamai.” Ta taudi tona'adi 'iyapasa sida mai, be 'enega yaisigedi taudi nuwanuwadi, yawasi bwasina sida 'ewadaisi be sinunuma. Nigeya 'ana maisamo.

Yoni 8:51

Yaona 'ai'aila 'emiya, 'abo yaita 'igu ona 'imuliya 'ai'ailidi, tauna geya'abo sa'i 'imwawamwawasa.”

1 Yoni 2:23

'Enega 'eguma yaita 'oyo Yaubada Natuna 'uguitoyasena, nigeya Yaubada ma'iyayo wamiyami. Ta esi 'eguma 'utagwaleyo Natuna 'enaya, tauna be Tamana ma'emwao wamiyami.

Yoni 10:28

ta yawasidi ataya ya'ebwa'edi be 'enega geya'abo sito'uto'umali, ta wate geya'abo 'ebweu yaita nimaguyega 'i'oae'oaegu.

Yoni 18:37

'Enega Pailato 'ienaidena, 'igwae, “'Aene 'oyo 'ebweu kini, aga?” Ta Yesu 'igwae, “'Oyo 'uona 'aene 'abo'agu 'ebweu kini, aga? Ta 'abo'agu tuga yatubuwa ga yamai bale'uya be 'aene yada etosimana ona palupaluna manuna, ta 'abo yaisigedi taudi ona palupaluna 'ina sena 'ena simiyami, taudi nate 'enagu 'ana tononoyao.”

Yoni 6:33

Ta masula nina, nate Yaubada 'enega, tauna ni'atu 'imai bale'uya be tomota yawasidi 'ida 'ebwa'edi.”

Yoni 14:19

“Ta tuta gidalina namo 'ena be yapilisinemi, be geya'abo me bale'u si'ita'itagu, ta 'omi ma'etamo wada 'itagu mayawasigu yamiyami, 'enega 'omi wate nadigega mayawasimi wamimi.

Yoni 6:57

“Tamagu tauna miyamiya atayana 'ietuneguma ga tauna tuta yauyauna 'enega yawasigu ya'ewa'ewa. 'Abo'agu wate nadigega 'eguma yaita 'i'enigu, tauna wate yawasina 'eguyega 'ida 'ewa'ewa.

1 Pita 2:4

'enega wada mai 'Inapwana nina 'enaya, tauna 'ola mayawasina me bale'u sie'idi'idiyena, ta esi Yaubada nuwanuwana ga 'iesinuwena.

Yoni 10:7

Ta Yesu 'ediya 'ionalimana, 'igwae, “Yaona 'ai'aila 'emiya, 'abo'agu sipi 'idi 'awa nina.

Loma 5:2

Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

Kolose 3:4

Manuna yawasida bobo'ana Keliso nina 'enega ta'ewena, 'enega tuta nina 'abo Keliso 'iapwesama, 'omi wate Keliso ma'emiya waapwesa 'ina esaesa tuyatuyayalina 'enaya.

1 Kolinita 15:45

Buki Tabu 'ina simana wate nadigega 'igwae, “Tai nuganuganina, Adama, bwalana mayawasina,” ta tai 'eluwena yaluyaluwana 'enega tomota yawasida 'i'ebwa'eda.

1 Yoni 1:8

Ona'ai'aila, maibo'ada toto'umalida tuga, ta geya'abo takabokaboeda, be tagwae, “'Abo'agu bobo'agu, ta nigeya 'igu to'umalinamo.”

Yoni 6:68

'Enega Saimoni Pita Yesu 'ieonena, 'igwae, “'Inapwana, yaita 'ena 'atatauya? Manuna 'oyo tebweuyo yawasima ataya 'ana ona 'emuya 'imiyami.

Loma 5:21

'Enega tamwalatonina 'aene to'umalina uwana nate mwawasa 'iewaiwai tomota 'ediya, ta Yaubada 'ina 'ebwayadaita uwana 'iewaiwai wawasae, nate miya bobo'ana be yawasi ataya, 'ida 'Inapwana Yesu Keliso 'enega.

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

E'ita'ita 19:11

Ta galewa ya'itena 'i'egegena, ta 'enaya osi wakewakekena, ta 'ana togelu nina sieesena Togwaunuwa palupaluna. Ga 'ina loina palupaluna 'enega 'ibwa'omatana, ta wate 'ilosalosaiya.

Kolose 2:9

Manuna Keliso namo 'enaya Yaubada 'ina waiwai ta 'ina bubuna maibo'ana simiyami.

1 Yoni 5:6

Ta Natuna 'ina mai 'edaya nate bwasiyega ta wate lalanega, tauna Yesu Keliso, nigeya bwasi namo 'enega, ta esi bwasi be lala wate 'ediyega. Gete manuna Yaubada Yaluyaluwana 'isimasimana 'ai'aila manuna Yaluyaluwana adelina palupaluna.

E'ita'ita 3:14

Anilose nina totapwaloloyao Laodisia 'ena 'i'ita'ita'i'isidi, 'ina leta 'uda 'etoladi Me Laodisia nidi manudi, be 'uda gwae: Ale gete 'imai Topalupaluna 'enega, tauna Tosimana 'ai'aila, ta wate tauna Yaubada 'ina mweluluwa 'aledi, 'ina simana 'emiya 'igwae:

Kolose 2:17

Yage getedi 'ebe'ita tuga, ta 'adi mwalatoi 'ai'aila Keliso tauna 'igieapwesedi.

E'ita'ita 3:7

Anilose nina totapwaloloyao Piladelipia 'ena 'i'ita'ita'i'isidi 'ina leta 'uda 'etoladi Me Piladelipia nidi manudi, be 'uda gwae: Ale gete 'imai tauna 'esasena ta palupaluna 'enega, ta wate tauna Debida 'ina 'ebe gigege nimanaya 'igiyagiyai, ta 'abo 'awa 'igigege nigeya 'ebweu yaita sawesawenaya be 'igibode, ta wate 'abo 'igibode geya'abo 'ebweu yaita 'igigegigege.

Guinuwa 3:15

'Enega yawasi bobo'ana 'ana to'ebwaya waloemwawasina, ta Yaubada tauna mwawasega 'igietoolo limena, ga maibo'ama 'a'itena.

E'ita'ita 22:1

Ta 'enega anilose nina yawasida bwasina 'ie'itegu, bwasi nina matakadala 'ai'ailina, Yaubada be Lami 'idi 'ebemi esaesa 'enega 'idaudauma,

Ibeliu 9:8

Gete 'ebe'ita tomota auwauda 'edaya, Yaluyaluwa Tabuna 'enega, be 'enega tada mwalatoni 'aene 'abo guinuwa nina kadekadelina 'etamo taguiguinuwe, nigeya sawesawedaya be talulugu Sena Tabu Wawasae solanaya. Manuna obobomao be 'ebwayadaitao nidi loina kadekadelina 'enega sitalitaliya Yaubada 'ena, ta esi nigeya sawesawediya be tomota nidi 'atedi sigie'esasedi, ta bwaladimo sigie'esasedi,

Loma 15:16

be 'aene Yesu Keliso manuna yada etosimana 'omi nigeya me Yudia 'emiya. 'Igu paisewa gete 'ena 'atuwa nadigega taliya yaguiguinuwe be 'enega Yesu tetelina wada nono, be muliyega yada 'ebwayaemi Yaubada 'enaya, manuna Yaluyaluwa Tabuna ni'atu 'igie'esasemi ga Yaubada manumi 'igwausowala sinabwana.

Guinuwa 9:2

nuwanuwana 'ina letao 'ida 'etoladidi be 'ida tauyedi me Yudia 'idi deliegogonao Damasiko 'ena 'ediya, ta leta nidi 'ediyega 'aene 'eguma Yesu 'ina 'eda 'ana tomuliyao 'ilobadi, me'olotodi nai mewainedi, 'ida giyaidi be 'ida me'edi Yelusalema, sabi etalaedi. 'Enega leta nidi 'i'ewedi ga 'itauya.