Yoni 13:13 - Loina Tabu Auwauna NT

¹³ Ta 'omi ni'atu waeesegu 'aene 'abo'agu Toe'ita, ta wate 'Inapwana, ga nate ona 'ai'aila.

Yoni 13:13 Referans Kwoze

Luke 6:46

“Ta to'ase manuna wa'awa 'Inapwanaegu, ta 'igu ona nigeya wada ematamatanedi.

Pilipai 2:11

be tada 'awa'ai'aila 'aene Yesu Keliso tauna 'Inapwana nina, be wate Tamada Yaubada tatupui.

1 Kolinita 12:3

Ta esi gete tuga 'abo yaisigedi 'omi Yaubada Yaluyaluwana 'emiya 'imiyami, geya'abo Yesu walo'alo'aegile, ta esi wada 'awa'Inapwane, manuna nigeya 'ebweu yaita sawesawenaya be Yesu 'i'awa'Inapwane 'abo nigeya Yaluyaluwa Tabuna 'ena 'imiyami.

Yoni 11:28

Ni'atu Malida 'ina ona mulinaya ga 'iila anuwaya ga nada tasina Meli 'ieona ma'ulena, 'igwae, “Toe'ita nina ni'atu 'imai ga 'ienaidemu.”

Pilipai 3:8

Ona'ai'aila, 'igu 'Inapwana Yesu Keliso 'ana mwalatoi bobo'ana wawasae, ga esaesa bale'u 'ibobo'ana sinedi, 'enega esaesao nidi ya'awa yage besobesoedi, ga Keliso nina manuna yage maibo'adi yaloseyedi ga ya'awa to'umaliyedi, manuna nuwanuwagu Keliso namo,

1 Kolinita 8:6

Ta 'abo'ada Yaubada taemise 'aene Tamada nina, ta tebweuna namo, ga yage maibo'adi 'ibubudi, ta wate 'abo'ada 'ibubuda, tauna manuna. Ta wate 'ida 'Inapwana taemisena 'aene tebweuna namo, Yesu Keliso, ta Keliso nina 'enega 'abo'ada Yaubada 'ibubuda, ta wate yage maibo'adi 'ibubudi.

Yemesa 2:19

'Oyo 'uemisa 'aene Yaubada 'ebweuna namo tuga, aga? Ga nate bobo'ana. Ta 'unuwa'i'isi 'aene Taumudumudulele ma gosenao taudi wate 'idi emisa nadigega, ta wate ma idi matauta.

Luke 10:28

'Enega Yesu 'igwae, “Nate 'uona 'ai'aila. 'Enega nadigega 'uda guinuwa'esa be yawasiyo ataya 'uloba.”

Luke 7:43

'Enega Saimoni Yesu 'ina ona 'ie'isena, 'igwae, “Nai tai nina tauna 'ina lowaga sinabwana 'ilokagutoki.” Ga Yesu 'igwae, “O, ona'ai'aila.”

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Yoni 11:2

Ta Meli nina tauna ma'etamo Yesu 'aena 'ida bunamidi be 'uya'uyanega 'ida lo'i'ili.

Yoni 11:3

Ta tuta nina nuudina Lasalo 'ile'oasa ga taudi nuunao nidi ale sietunena Yesu 'ena, sigwae, “'Inapwana, gosiyamuna ni'atu 'ile'oasa.”

Epeso 6:9

'Omi 'inapwanao wate wada bubuna 'ai'aila 'imi toguinuwao 'ediya, ta geya'abo wa'ena'ena pa'alidi, ta wanuwa'i'isi 'aene maibo'ami 'omi be taudi 'imi 'Inapwana galewaya 'imiyami, ta 'ina loina 'emiya leleleya maibo'ami manumi.