Yoni 12:5 - Loina Tabu Auwauna NT

⁵ ga 'igwae, “To'ase 'alena ga 'enega bunama gote nigeya 'iegimwaneye be 'ana maisa nadigega 'etoi analedi kina 'ida 'ewa be gomabeso 'ediya tada eguyaiye?”

Yoni 12:5 Referans Kwoze

Luke 18:22

'Ina ona gete nadigega Yesu 'inonona, 'enega 'igwae, “'Ebweuna yage namo 'ilogegesemu, nate 'aene 'imu gwegweyao maibo'ana 'uda egimwaneyedi be 'adi maisa togomabeso 'ediya 'ueguyaiyedi, ta 'enega 'umamai be 'umuliyegu be 'enega ma'etamo 'imu esaesa galewaya 'uda loba.”

Luke 12:33

“'Enega 'imi gwegweyao wada egimwaneyedi be mani nidi wada eguyaiyedi togomabeso 'ediya, be 'enega galewaya 'imi esaesa 'ida miyaataya. Esaesa nina galewaya 'imiyami nigeya wate 'ina 'ebe gumwalamo, manuna nigeya 'ebweu wate to'ipwala sena nina 'ena, ta wate nigeya manumanuwa.

Yoni 6:7

'Enega Pilipi Yesu 'ieonena, 'igwae, “Boda gete sinabwa wawasae, ta 'eguma tu analedi kina 'enega beledi tagimwanedi be 'ediya taeguyaiye, nai nigeya sawesawenaya be maibo'adi sida lotoo.”

Luke 6:41

Nigeya 'ilobwelobweneyo be tasiyo manuna 'uona 'abo matanaya kaiwe senasenamina 'imiyami, manuna 'oyo wate matamuya kegabugabu 'imiyami ta nigeya 'u'ita'ita.

Madiu 20:2

'Enega loina 'isa'una be 'aene 'asiyata 'ebweuna paisewa 'ana maisa kina 'ebweuna, ga sitagwala. 'Enega 'ietunediya ga sitauya 'ina bagulaya sabi paisewa.

Madiu 18:28

“'Iapwesa ga gosiyana 'ebweuna 'ilobena, ta gosiyanana 'ina lowaga toea analedi namo, ga gosiyana 'otonaya 'igiyaina ga 'ididigena, 'igwae, ‘Gete tuga 'imu lowaga 'eguya 'uyotuli!’

Yoni 12:4

Gete 'ena Yudasa Isikaliota, tauna 'ebweu Yesu 'ina tonono ta wate tauna tuga ma'etamo Yesu nina 'ida telesipupuye, 'ilomugi

Yoni 12:6

Yudasa 'ina ona getedi nigeya ona 'ai'aila 'aene togomabeso manudi, ta esi tauna manuna, manuna tauna to'ipwala tuga, ta wate tauna Yesu ma ina tononoyao 'idi mani 'ana to'ita'i'ita, ta mani nidi 'ediyega 'i'ipwa'ipwala.

Yoni 13:29

Tauna Yudasa 'idi mani 'ana to'ita'i'ita 'enega sinuwena 'aene Yesu 'ieonena be tauna Yudasa 'itatauya be 'idi sagali gwegwena 'ida gimwane, nai 'itatauya be 'aina mani gomabeso 'ida 'ebwa'edi.