Yoni 12:48 - Loina Tabu Auwauna NT

⁴⁸ Manuna 'abo yaita nai 'oyo 'uguitoyasegu, ta wate 'igu ona 'uguitoyasedi, ma'etamo tuta 'ana 'ebe losalowa 'enaya loina 'uloba, nigeya 'abo'agu 'eguyega, ta esi manuna 'igu ona nina 'uguitoyasena.

Yoni 12:48 Referans Kwoze

Luke 10:16

'Enega 'ana tomuliyao nidi 'ediya 'igwae, “'Eguma yaita 'imi ona 'inonodi, nate 'abo'agu 'igu ona 'inonona. Ta 'abo yaita 'iguitoyasemi 'abo'agu wate 'iguitoyasegu, ta wate 'agu Toetune nina 'iguitoyasena.”

Loma 2:16

Nadigega tuga tetela bobo'ana yaguguyaena 'emiya, 'aene bwa'omatana 'ana tutaya Yaubada Yesu Keliso 'ida loine, be tauna tomota 'idi nuwanuwa kwaikwaiyidi manudi 'ida 'awato'umaliyedi nai 'ida 'awabobo'anedi.

2 Tesalonaika 1:8

ta taudi 'ida 'Inapwana Yesu Keliso tetelina siguitoyasena, ga Yaubada siemwagemwageyena, 'adi e'isa mwauna 'ida 'ebwa'edi.

Yoni 11:24

Ga waine nina 'igwae, “O, yamwalamwalatoni 'aene ma'etamo tuta 'ana 'ebe losalowa 'enaya mwawasega 'ida toololimana.”

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

Yoni 5:45

“Geya'abo wanuwena 'aene 'abo'agu yada e'ewami Tamagu 'enaya, ta esi 'ebweu tai ma'etamo 'ida e'ewami, tauna wanuwena 'aene 'etamo 'ida lememi, 'ana esana Mosese.

Madiu 21:42

'Enega Yesu wate onasemalimali Buki Tabu 'enega 'isimanena, 'igwae, “Nai Buki Tabu 'ina simana nigeya wanuwanuwa'i'isi, 'igwae, ‘'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi. Nate 'Inapwana 'ina guinuwa 'ebe nuwaowana 'edaya.’

2 Kolinita 4:3

Ta 'eguma 'aina tomota 'ima e'itao nigeya simwalamwalatoni, taudimo esilae 'ina 'eda 'enega sitautauya.

Luke 20:17

Ta Yesu 'iduneyedi ta wate 'ediya 'igwae, “Mwa'adega 'ana mwalatoi Buki Tabu 'ina simana gete, 'igwae, ‘'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi.’

Luke 17:25

“Ta muliyega be yage nidi siapwesa, nugana 'epata getedi sida guitoyasegu, be 'ediyega 'elouya yada lobadi.

Luke 9:26

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu, ma'etamo yada eyaseyaseyeyo tuta nina 'abo ma 'agu tupu yailama, ta wate Tamagu be 'ina aniloseyao ma idi esaesa ma'egwao.

Luke 9:22

'Enega wate 'ieonedi, 'igwae, “'Abo'agu Tomota Natuna be ma'etamo 'elouya sinabwana yaloba. Manuna 'Inapwanao be totaliyao sinabwadi ta wate loina 'ana toe'itao 'iabe sie'idi'idiyegu be siloemwawasigu, ta 'asiyata 'etonina 'enaya Yaubada 'ida gietoolo limagu.”

Luke 7:30

Ta esi Palisiyao be loina 'ana tomwalatoiyao Yaubada 'ina nuwanuwa siguitoyasena, 'enega geya nuwadi be Yoni 'igie bapitaisoedi.

Maki 16:16

'Enega yaisigedi siemisegu wada giebapitaiseodi, be 'etoseyana sida loba, ta 'abo yaisigedi nigeya siemiemisa ma'etamo loina to'umalina siloba.

Maki 12:10

'Enega Yesu wate onasemalimali Buki Tabu 'enega 'isimanena, 'igwae, “Wanuwa'i'isi Buki Tabu 'ina simana gete nadigega: ‘'Ola nina lowa to'abi anuwa siguitoyasena. Ta gete tugai ni'atu sietoolona be 'ie'ola nugana, be 'ola maibo'adi 'iloinedi.

Madiu 25:31

“'Abo'agu Tomota Natuna, be ma'etamo ma igu esaesa tuyayalina be ma igu aniloseyao 'amama be 'enega 'igu 'ebemi esaesa 'ena yamiyatowa sabi loina,

Guinuwa 3:23

Be 'abo yaisigedi palopita nina 'ina ona siguitoyase Yaubada 'ida gieto'umaliyedi, be 'ida 'ewayauledi 'ina tomotaiyao 'ediyega.’

Maki 8:31

Ta wate 'ilolagata be to'ase ma'etamo 'ilobai 'ie'itaena 'ediya, 'igwae, “'Abo'agu Tomota Natuna ma'etamo 'elouya sinabwana yaloba. Manuna 'inapwanao be totaliyao sinabwadi be loina 'ana toe'itao 'iabe sie'idi'idiyegu be siloemwawasigu ta 'asiyata 'etoi mulinaya yada toololimana.”

Madiu 10:15

Ona'ai'aila, ma'etamo bwa'omatana 'ana tuta 'enaya, taudi 'asa nidi siguitoyasemi loina sinabwa wawasae siloba, ta nigeya nadigega me Sodoma be me Gomola 'adi loina.

Yoni 6:39

'Agu toetune nina 'igu tomota 'i'ebwa'eguya, ta gete 'ina nuwena be 'aene geya'abo yaita 'ebweu 'ediyega 'iloseloseyei, ta esi tuta 'ana 'ebe losalowa 'enaya mwawasega yada gietoolodi.

Yoni 8:47

Manuna 'eguma yaita tauna Yaubada 'enega 'imai, tauna Yaubada 'ina onao 'inonodi. Ta 'omi nai nigeya Yaubada 'enega wameema, nate 'alena 'enega nigeya Yaubada 'ina ona wada nonona.”

Guinuwa 17:31

manuna 'ida 'asiyata bwa'omatana ma'etamo 'iupaena be me bale'u maibo'ada 'ada loina palupaluna 'ida 'ebwa'eda tai nina 'iesinuwena 'enega, ga tai nina mwawasega 'igietoolo limenaya, be 'enega tomota maibo'ada tetela gete tada 'awa'ai'aile.”

Ibeliu 4:12

Ona'ai'aila, Yaubada 'ina ona mayawasina ta waiwaina 'atuwa sisisaiya 'ina mamatana sena luwaluwana, ta sawesawenaya 'ibadida be sola'ai'ailidaya nuwanuwa be bubuna kwaikwaiyidi simiyami.

Ibeliu 10:25

'Aidi gosedao tapwalolo 'ana deliegogona sinuwa pupulena, ta geya'abo 'omi nadigega, ta esi tuta maibo'ana wada giepa'alimi, be 'abo to tuta wamwalatonina 'aene Yesu 'ina ilalimanama selabenaya wada elemalema 'ai'aila, 'imi deliegogona 'ediya.

1 Pita 1:5

Be 'omi oboboma nidi wada lobadi, 'eguma Yaubada waemise 'aene 'ina waiwaiyega 'ida 'ita'i'isimi, be tuta 'ana 'ebe losalowa 'enaya 'etoseyana nina 'igibubunaya manumi 'ida 'ebwa'emi.

2 Pita 3:3

Ta 'ebweu yage wada gimimwalatoni 'aene tuta 'ana 'ebe losalowa 'enaya 'aina totuyeya sida apwesa, be 'Inapwana 'ina 'eda manuna sida onaona besobeso, ta situyetuyeya, be taudi 'idi nuwanuwa to'umalidi simuliyedi,

2 Pita 3:7

Ta Yaubada 'ina onega galewa be bale'u ni'atu 'isa'ububudi, ga siyamwayamwa be 'asiyata loina 'enaya 'igabu yauledi, ta toto'umalidi 'iloesawalidi.