Yoni 11:19 - Loina Tabu Auwauna NT

¹⁹ 'enega me Yudia yaudi ma idi 'atenuwa'ole'ole simai be 'aene Malida be Meli nuwadi tupwana sida giebobo'anedi nuudina manuna.

Yoni 11:19 Referans Kwoze

Yoni 11:31

Ta me Yudia nidi taudi Meli ma'enao anuwaya sidedoi, Meli 'ina tauya si'itena ga sinuwena 'aene 'itautauya 'ali'aliya sabi dedoi, 'enega mulinega sitauya.

1 Tesalonaika 5:11

'Enega 'ilobwenemi be taumimo wada lo'aetuetunemi ta wate wada elemalema, nate paisewa nidi nadigega gete tuga waguiguinuwa 'esedi.

1 Tesalonaika 4:18

'Enega tetela gete 'enega wada giegwausowalimi.

2 Kolinita 1:4

ta 'ima 'elouyao 'ediyega 'igie gwausowalima, be 'enega sawesawemaya taudi tomiya mwau wate 'ada giegwausowalidi, manuna 'ima 'ebe gwausowala nina Yaubada 'enega 'alobena sawesawenaya be 'asa'ubale 'ediya be taudi wate sida gwausowala.

Loma 12:15

Ta 'abo togwausowalao wa'itadi, ma'emiyao wada egwausowala. Wate nadigega 'abo todedoi wa'itadi, ma'emiyao wada dedoi,

Luke 10:39

Ta waine nina tasina wate 'imiyami, 'ana esana Meli, ga Meli nina 'imai ga Yesu selabenaya 'imiyatowa, be 'ina ona sabi enonoedi.

Luke 10:42

ta esi 'ebweuna namo yage sinabwana manuna 'uda nuwanuwa, nadigega tasiyo Meli 'ina esinuwa. Meli nuwanuwana be 'igu ona 'ida nonodi, 'enega geya'abo 'ebweu yaita 'i'eto'etobodei.”

Yoni 1:19

Tuta gote 'enaya me Yudia 'idi toanuganao Yelusalema 'enaya simiyami, ga 'aidi totaliyao be 'aidi Libai 'ina bodao sietunedi Yoni 'enaya sabi enaidena 'aene tauna yaita.

Yoni 11:1

'Ebweu tai le'oale'oasina 'ana esana Lasalo. Lasalo tauna Betani taina, ta wate nuunao 'eluwa, nate Meli be Malida ma'enao simiyami.

Yoni 11:8

Ga 'ina tononoyao nidi Yesu sieonena, “'Inapwana, geya'abo tatautauya sena nina 'ena, manuna me Yudia 'etamo tuga nuwanuwadi 'aene gulewega sida unuyo.”

Yoni 11:33

Ga gote 'ena Yesu Meli 'ina dedoi 'i'itena, ta wate me Yudia nidi taudi ma'enao simai 'idi dedoi wate 'i'itena, ga 'atena 'iuya, 'enega nuwana 'imwau sinabwana.

Yoni 11:36

Ta me Yudia nidi Yesu 'ina dedoi si'itena, 'enega sigwae, “Ona'ai'aila, gosiyanana 'iobobomena sinabwana.”

Yoni 11:45

Gote 'ena me Yudia nidi, taudi Meli 'ana toayausao, Yesu 'ina guinuwa si'itena, ga yaudi siemisa 'ai'ailena,