Yoni 10:6 - Loina Tabu Auwauna NT

⁶ Ona semalimali gete Yesu 'isimanena 'ediya, ta yage nina manuna 'ionaona nigeya 'imaemaedana taudi 'ediya.

Yoni 10:6 Referans Kwoze

Yoni 16:25

Ta Yesu wate 'ediya 'igwae, “Ni'atu ona semalimaliyega yage getedi yasimanedi 'emiya. Ta ma'etamo tuta 'ida mai be geya'abo wate ona semalimaliyega yaeonami, ta esi Tamagu manuna yada onaapwesa 'ai'aila 'emiya.

Madiu 13:51

'Enega Yesu 'ienaidedi, 'igwae, “Mwa'adega onasemalimali getedi maibo'adi wamwalatonidiya?” Ta sinono ga silotamo, sigwae, “O!”

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

1 Kolinita 2:14

Ta esi 'abo nigeya, geya'abo sa'i simwalamwalatoni, manuna 'ediya 'aene yage kabakabaleya tuga. 'Enega nigeya sawesawediya be yage nidi simwalamwalatonidi, manuna Yaubada yaluyaluwana geya'abo 'igiegienuwa sabwalenidi.

Yoni 8:43

To'ase manuna 'igu ona 'emiya nigeya wada nuwasabwalenidi? Nate manuna nigeya 'igu simana wada enono 'ai'ailina.

Yoni 8:27

Ta taudi tuga 'ina ona Tamana manuna nigeya sinuwanuwa sabwalena.

Yoni 7:36

'Ina ona gete to'ase 'ana mwalatoi? Manuna 'igwae, ‘Ma'etamo wada 'ebesegu be geya'abo sa'i walobalobagu’, ta wate 'igwae, ‘Sena nina 'ena yamiyami 'omi geya'abo 'ena waweewa.’ ”

Yoni 6:60

Tuta nina tomuliyao yaudi Yesu 'ina ona gete sinonona ga taudimo 'ediya sigwae, “Ona gete 'ana nono mwauna, ta 'abo'ada geya nuwada.”

Yoni 6:52

Ga gote 'enega me Yudia nidi sie'ale be taudimo siegewagewana, sigwae, “Mwa'adega tai gete be 'aene bwalana 'ida 'ebwa'eda be ta'a'ani?”

Madiu 13:34

Yesu 'ina ona getedi maibo'adi onasemalimali 'ediyega pwalu 'ie'itedi, manuna tauna tuta yauna onasemalimaliyega 'ie'ie'ita tomota 'ediya.

Maki 4:34

Tauna tuta yauna onasemalimaliyega 'iloguloguguya pwalu 'ediya, ta 'ina tononoyao dimo 'ediya onasemalimali nidi 'ili'ali'amidi.

Yoni 16:29

'Enega 'ina tononoyao sinonona ga sieonena, sigwae, “'Inapwana, gete tuga ni'atu 'uona apwesa 'ai'aila 'emaya, ta nigeya ona semalimaliyega.

2 Pita 2:22

Ta 'idi bubuna nina nadigega tuga onasemalimali 'ebweu 'igwae, “Kedewa tauna maiwana 'ida 'elima.” Ta wate, “Bawe bwalana tagie'esasai, ta muliyega 'iila be 'iesepwasepwala limana.”