Yoni 1:29 - Loina Tabu Auwauna NT

²⁹ Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.

Yoni 1:29 Referans Kwoze

1 Yoni 2:2

be 'ida to'umalinao 'inuwataudi, manuna Yesu tauna 'italiyaena 'ida to'umalinao manudi, be wate me bale'u maibo'adi manudi.

1 Yoni 3:5

Ta wate tamwalamwalatoni 'aene Keliso nina 'imai 'ida bubuna to'umalidi sabi 'ewayauledi, ta tauna nigeya 'ebweu wate 'ina to'umalinamo.

1 Pita 1:19

ta esi e'isa nina Yaubada 'ina lami lalana bobo'ana wawasae 'enega 'i'etoseyemi, tauna Keliso nina, bobo'ai'ailina ta 'esasena.

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

Ibeliu 1:3

Ta Yaubada natunana tamana 'ina maedana 'imaemaedanae ta tauna Yaubada 'ilowa'eluna. Ta 'ina ona waiwaina 'enega yage maibo'ana galewaya ta bale'uya 'igiyagiyaidi. Ta 'ida to'umalinao 'ediyega 'igie 'esaseda, ga muliyega Yaubada Toloetana sana 'atainaya 'imiyatowa.

E'ita'ita 6:1

'Enega lami nina ya'itena losipwa 'ebweu 'ili'amina, ga yobai nidi 'ediyega 'ebweu 'enana nadigega wepalala yanonona, 'igwae, “'Umai.”

E'ita'ita 12:11

Ta tasidao nidi ona'ai'aila yawasidi sitagwalena be Keliso manuna simwamwawasa, 'enega Seitani nina ma'edi silosaiya ga taudi siewaiwai. Ta 'idi ewaiwai Lami lalanega, ta wate 'idi simana Lami manuna 'enega.

Galetia 3:13

Ta nigeya sawesawenaya be loina maibo'adi taematamatanedi, 'enega Keliso nina 'ilopa'eluda ga 'i'etoseyeda loina 'ana mwau 'enega. Loina 'ana mwau gete 'eguma nigeya tada ematamatanediya tamwamwawasa, 'enega Keliso 'abo'ada manuda 'imwawasa nadigega taudi toto'umalidi sinabwadi 'adi loemwawasa kelose 'ediya. Buki Tabu lowa 'ina ona gete manuna 'igwae, “'Abo yaisigedi kelose 'ediya sisa'udi be simwamwawasa, tomwawasa nidi 'awa to'umali siloba Yaubada 'enega.” Ga Keliso 'abo'ada manuda mwau nina 'ilobena.

Yoni 1:36

'enega Yoni 'ana tomuliyao nidi 'ediya 'igwae, “Tai gote tauna Yaubada 'ina Lami.”

E'ita'ita 7:17

Manuna Lami nina, tauna 'ebemi esaesa solanaya 'imiyami, tauna 'adi to'ita'i'ita, be 'enega 'ida anuganedi bwasi bobo'adi 'ediya, yawasidi manuna, ta Yaubada tauna mataseludi 'ida lo'i'ilidi.”

Guinuwa 8:32

ta sawa nina ni'atu 'isawena gete nadigega 'igwae, “Tauna 'atuwa sipi 'iabe siunu, nai nadigega lami, 'abo unuununa 'ana to'upwa matanaya 'itootoolo, nigeya 'ebweu wate 'enana 'ida ona apwesena.

E'ita'ita 17:14

Be 'enega Lami 'enaya sida losaiya, ta Lami nina 'ida ewaiwai sinedi, manuna tauna 'inapwanao 'idi 'inapwana, ta kiniyao 'idi kini, ta wate taudi 'ina esinuwega 'ibwauyedima, taudi 'ana tomuliya 'ai'ailao ma'enao.”

E'ita'ita 15:3

ga maibo'adi Mosese walina siwaliwaliye, tauna Yaubada 'ina toguinuwa, ta wate Lami walina siwaliwaliye, sigwae, “'Inapwana Yaubada Toewaiwai sayo, 'imu guinuwao sinabwadi ta 'ebe nuwaowanao, ta 'imu bubuna maibo'ana bobo'adi ta palupaludi, ta wate 'ebeloina maibo'adi 'uloiloinedi.

E'ita'ita 14:1

Ta yadunedune, ga lami ya'itena 'oya Sayoni debanaya 'itootoolo, ta wate tomota wani analedi be potipowa tausani ma'enao simiyami, taudi nate 'ana esana be wate Tamana 'ana esana debadiya si'etoladidi.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

E'ita'ita 19:9

'Enega anilose nina 'eguya 'igwae, “Ona gete 'uda 'etoladi 'aene ‘Yaisigedi 'omi Yaubada 'ibwauyemi Lami nina 'ina ai sagalina 'enaya, wada gwausowala.’ ” Ta wate anilose nina 'iona limana, ta 'igwae, “Gete Yaubada 'ina ona 'ai'aila.”

E'ita'ita 14:10

taudi Yaubada 'ina oine waiwaina 'enega sinunuma, ta oine nina nate Yaubada 'ina gamwasowala 'ai'aila ni'atu 'isiwena gamwasowala keigana 'enaya. Ta wate kaiwe yaiyai be gulewa yaiyaidi tomota nidi bwaladiya sida lotoona, Yaubada 'ina aniloseyao be Lami matadiya.

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

E'ita'ita 19:7

Tada gwausowala be tada uyawana 'ai'aila ta wate tada 'awabobo'ane, Lami 'ina ai manuna, ta mwanena ni'atu 'ieiyalina 'idi ai manuna,

E'ita'ita 14:4

Ta taudi tai nidi getedi nigeya siloeloegesi iine ma'ediyao, manuna taudi nuwenuwe boladi tuga, ta esi Lami simuliya 'ai'ailina, 'abo mwa'o nai 'itatauya. Taudi ni'atu Yaubada 'igimi sa'ugagidi tomota 'ediyega, nate Yaubada be Lami 'idi gimisesoi.

E'ita'ita 5:8

'Enega ni'atu pwepwai nina 'i'ewena, ga yobai nidi be wate 'inapwanao nidi lami nina 'enaya sibe'u sanamwa'uta ga 'ena sibwagobwago, ta 'ebweuna 'ebweuna 'ediya ma idi 'ebe gwanegwane siguiguinuwa, ta wate ma idi gaeba goula ta bobo'adi, ga gala'u maina bobo'ana gaeba nidi soladiya sigabuna, ta 'ana mwalatoi nate Yaubada 'ina tomotaiyao 'idi sidasida situ'etu'e 'enaya.

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.

E'ita'ita 21:9

'Enega anilose nidi sebeni lowa 'elouya keigadi sebeni 'adi to'aalao 'ebweuna 'ediyega 'imai, ga 'ieonegu, 'igwae, “'Umai be Lami mwanena yae'itayo.”

E'ita'ita 6:16

'Enega sibwau gulewa be 'oya 'ediya, sigwae, “Wada be'uma debamaya, be geya'abo tauna 'ebemi esaesa 'ena 'imiyatowa 'ida 'ita'itama, be wate lami nina geya'abo 'ida 'ita'itama.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

E'ita'ita 21:27

Ta geya'abo sa'i yage baibailidi 'asa nina 'ena silugulugu, nai toguinuwa to'umalidi, nai toekabokaboyao. Nate namo taudi ni'atu 'adi esanao si'etoladidi Lami nina 'ina buki, nate yawasida bukina, 'enaya.

1 Yoni 4:10

Gete oboboma 'ai'aila, nigeya 'aene 'abo'ada Yaubada 'ana toobobomao, ta Yaubada esi 'ada tooboboma, ga Natuna 'itagwalena be 'italiyaena tauna 'ida loegesiyao manudi.

1 Timoti 2:6

Manuna Keliso taunamo 'itagwalena ga 'ietaliya maibo'ada manuda, ga ale gete, tuta 'ana lobwene 'ai'aila 'enaya, Yaubada 'i'ebwa'eda.

1 Kolinita 15:3

Tetela gete 'alena ya'ita lobena 'enega yasimanena 'emiya 'aene Keliso 'ida to'umalinao manudi 'imwawasa, nadigega Buki Tabu 'ina simana,

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

E'ita'ita 5:6

Ta wate 'ebemi esaesa nina selabenaya 'ebweu lami ya'itena, yobai ata gamwagamwanidiya 'itootoolo ta 'inapwanao wate gamwagamwanidiya, ta lami nina 'ana 'ita 'atuwa tauna siloemwawasina, ta kunanao sebeni ta matanao wate sebeni, taudi matanao nidi nate Yaubada yaluyaluwanao taudi 'ietunedi bale'u maibo'ana 'enaya.

Ibeliu 9:28

Wate nadigega Keliso 'ina mwawasega tauna 'italiyaena ma'ebweuna namo, be yauyauda 'ida bubuna to'umalidi 'i'ewa yauledi, ta ma'etamo 'iila limanama, be nigeya 'aene bubuna to'umalidi 'i'ewayaula limadi, ta esi sabi 'etoseyeda 'abo ma ida nuwa'ewa tayamwayamwa.

Galetia 1:4

Manuna Tamada Yaubada 'ina nuwanuwa gete nadigega, ga Yesu tauna 'itagwalena ga 'imwawasa 'ida loegesiyao manudi, be 'enega tuta gete to'umalina 'ina waiwaiyega 'i'etoseyeda,

Guinuwa 13:39

be 'abo yaita tauna 'ena 'iemisa, 'ina loegesi 'ediyega 'ida li'ami, ta Mosese 'ina loina nigeya sawesawenaya 'ili'amimi.

Madiu 1:21

Be ma'etamo natuna me'olotona 'ienatune, be 'ana esana 'ueese Yesu, manuna tauna 'ina tomotaiyao 'idi loegesiyao 'ediyega 'ida 'etoseyedi.”

E'ita'ita 21:14

'Asa nina sinabwana si'abina 'autui 'ebweu bobo'ana 'enaya, nate gulewa tuwelo pa'alidi debadiya, ga gulewa nidi 'ediya Lami 'ana tosimanao tuwelo 'adi esanao si'etoladidi.

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Yoni 1:35

Ta mali 'asiyataya, tuta nina Yoni be 'ana tomuliyao 'eluwa ma'enao sitootoolo, ga Yesu si'itena selabediyega 'itautauya,

Yoni 1:43

Ga mali 'asiyataya Yesu nuwanuwana be 'itatauya Galili, 'enega 'itauya ga nada Pilipi 'ilobena, ga 'ieonena, 'igwae, “'Uda muliyegu.”

Yoni 2:1

Ga ni'atu 'asiyata 'eluwa sigumwala ga ai sagalina siguinuwena 'asa Kena 'ena, Galili senanaya. Ta sagali nina solanaya Yesu sinana 'imiyami,

Yoni 4:42

ga waine nina sieonena, sigwae, “Ni'atu 'a'awa 'ai'ailemu, nigeya 'aene 'imu ona namo manuna, ta esi 'abo'ama taumamo 'ina ona 'anonona, ga 'enega 'amwalatoi 'ai'ailina 'aene tauna To'etoseyana nina me bale'u maibo'ada manuda.”

Yoni 6:51

'Abo'agu yawasimi 'ana masula galewega yamwa'utama, be 'abo yaita masula nina 'i'a'ani yawasina ataya 'ida 'ewa, ta masula nina ya'ebwa'emi bwalagu tuga, ta bwalagu yatagwalena me bale'u yauyaumi yawasimi manuna.”